"Rwyf wedi dysgu bod gennyf lawer i'w ddysgu o hyd."

Maya Angelou

Ysgrifennwyd y rhaglen datblygu proffesiynol ar-lein, ‘Egwyddorion ar gyfer Rhagoriaeth’, i gefnogi athrawon yng Nghymru gyda'u dysgu proffesiynol yn y cyfnod digynsail hwn.

“Er ei bod yn bwysig i athrawon gadw mewn cysylltiad â'u disgyblion, bydd yr argyfwng yn cynyddu'r angen i athrawon barhau i gysylltu â'i gilydd.”

Andreas Schleicher, Y Cyfarwyddwr Addysg a Sgiliau yn yr OECD (23 Mawrth 2020)

Mae ‘Egwyddorion ar gyfer Rhagoriaeth’ yn ceisio annog athrawon i gadw mewn cysylltiad â'u cyd-weithwyr yn eu hysgolion eu hunain ac mewn ysgolion eraill tra eu bod yn gweithio o gartref. Mae'r Egwyddorion yn galluogi staff i archwilio egwyddor addysgeg gyda'i gilydd, myfyrio ar yr ymchwil sylfaenol, ac ystyried sut y gall yr wybodaeth a ddysgir gael ei defnyddio yn eu hystafell ddosbarth.

"Mae'r rhaglen ‘Egwyddorion ar gyfer Rhagoriaeth’ yn bodloni nifer o feini prawf DPP."

Cordingley et al. (2015)

Dylai DPP:

• gael ei gynnal dros gyfnod hir (o leiaf ddau dymor)

• cynnwys cyfarfodydd rheolaidd (pob pythefnos neu bob mis)

• cynnwys sesiynau sydd wedi'u teilwra i ddiwallu anghenion yr athrawon

• cynnwys dysgu gan gyfoedion

• trafod yn fanwl y broses o drosglwyddo ymchwil i'r ystafell ddosbarth

• rhoi amser i'r athrawon weithredu'r hyn y maent wedi'i ddysgu

• trafod effaith gweithredu ymarfer newydd/wedi'i addasu â chyd-weithwyr.