Rhennir y cymhwyster i dri phroject wedi'u cynllunio i sicrhau y gall dysgwyr arfer ymreolaeth a dewis personol wrth ddethol meysydd astudio sydd o ddiddordeb iddynt neu sy'n berthnasol i'w llwybrau cynnydd yn y dyfodol. Mae'n rhaid i bob dysgwr gwblhau tri phroject gorfodol sy'n galluogi dysgwyr i ystyried eu llesiant nhw eu hunain a llesiant pobl eraill. Mae’r cymhwyster yn ddi-arholiad a chaiff dysgwyr eu hasesu ar y gwaith cwrs a chyflwynir trwy gydol y ddwy flynedd.

Blwyddyn 12

Mae'r Project Cymuned Fyd-eang yn cefnogi dysgwyr i ddysgu am faterion byd-eang cymhleth a chymryd rhan mewn camau gweithredu cymunedol i hybu dinasyddiaeth mewn byd cynaliadwy ac yng Nghymru. Disgwylir i ddysgwyr cymryd rhan mewn oriau gwirfoddol i lwyddo yn y prosiect yma. Mae’r prosiect yn cyfateb i 25% o’r cymhwyster.

Mae Project Cyrchfannau'r Dyfodol yn cefnogi dysgwyr i ddatblygu a dangos eu bod yn gallu cymhwyso eu sgiliau gan archwilio ar yr un pryd nodau ar gyfer bywyd, cyflogadwyedd a dinasyddiaeth yn y dyfodol. Mae’r prosiect yn cyfateb i 25% o’r cymhwyster.

Blwyddyn 13

Mae’r Project Unigol yn gyfle i ddysgwyr gynllunio, rheoli a chynnal project ymchwil annibynnol ysgrifenedig o’u dewis. Rhagflas amhrisiadwy bu’r prosiect i ofynion astudiaeth addysg bellach. Mae’r prosiect yn cyfateb i 50% o’r cymhwyster.

Nid oes unrhyw ofynion dysgu blaenorol ar gyfer y cymhwyster. Mae’r cymhwyster yn statudol i bob dysgwyr sydd dychwelyd i’r chweched dosbarth ac yn ddilyniant i’r Her Sgiliau TGAU.

Mae'r cymhwyster hwn yn gweithredu fel sylfaen addas ar gyfer astudio amrywiaeth o gyrsiau addysg uwch, symud ymlaen i'r lefel nesaf o gymwysterau galwedigaethol neu gyflogaeth. Cydnabyddir y cymhwyster gan fwyafrif o brifysgolion ledled y DU bellach a dderbynnir gan nifer fel y trydydd Lefel A i sicrhau mynediad at gwrs addysg Uwch.