Kartlegging og val av verktøy
Kvifor kartlegge?
Opplæringslova § 3-12 slår fast at ein må kartlegge eleven sin dugleik i norsk før det vert fatta enkeltvedtak om særskild språkopplæring.
For å få kjennskap til eleven sitt språknivå, slik at ein kan gi eleven tilpassa og tilrettelagd opplæring.
Når kartlegge?
Innan to veker etter skulestart for eleven, slik at ein raskt kan kome igang med særskilt språkopplæring.
Gjennom skuleåret, slik at ein kan følge språkutviklinga og tilpasse opplæringa.
Vestlandsverktøyet
Vi tilrår å nytte Skriftleg prøve i Vestlandsverktøyet i starten av skuleåret for å fatte enkeltvedtak.
Elevar som vert vurdert til A1-A2-B1 på den skriftlege prøva har rett på særskilt språkopplæring.
Elevar som vert vurder til B1+ på den skriftlege prøva, kan ha rett på særskilt språkopplæring etter ei heilskapleg vurdering:
Prøva gir ikkje eit breitt nok bilde av den samla kompetansen eleven har i norsk, og kan difor ikkje åleine avgjere at eleven ikkje har rett til særskilt språkopplæring.
Som utgangspunkt for ei heilskapleg vurdering kan ein nytte dei ulike delane av Udirs kartleggingsverktøy (sjå lenkjer og ressursar nederst denne sida).
Vi tilrår å nytte Munnleg prøve i Vestlandsverktøyet for å tilpasse opplæringa
Den munnlege prøva gir ei breiare forståing av eleven sin språklege kompetanse, og vil vere nyttig i det pedagogiske arbeidet med å tilpasse opplæringa. For ein del elevar vil det til dømes vere tilrådeleg å bruke meir enn normert tid på å fullføre vidaregåande skule.
Kartleggingsverktøy i grunnleggende norsk
Vi tilrår å nytte Udir sitt kartleggingsverktøy i grunnleggande norsk som ein del av oppfølginga av eleven si utvikling over tid.
Udir sitt verktøy er ikkje ei språkprøve.
Kartleggingsverktøyet består av to delar:
samtaleguide for oppstartsamtaler
kartlegging innanfor fem dugleiksområder: lesing, skriving, ordforråd, munnleg kommunikasjon og uttale
Vestland fylkeskommune
Vestlandfylke.no