UBIDE -URKIOLA
(2026-10-20an, asteartea)

Gorbeiako Parke Naturala atzean utzi eta hurrengo bi etapetan zeharkatuko dugun Urkiolako Parke Naturalera (turismoa.euskadi) eramango gaitu ibilbide honek.

Errepide zaharretik, Maria Magdalena ermitaren (catalogomonumental) parera desbideratuko gara, gurdibidetik Goikoetxea baserrira igotzeko. Baselizatik gertu, etxe bitxi bat ikusi ahal izan dugu, txalet gorria (turismoa.euskadi) izenez ezagutzen dena.

Aurrera segituz, pistetan (mendiak.eus) eta bideetan barrena, pagadietan barneratu eta Eskortalekuetako (wklcdn) lepora iritsiko gara. Paraje ederra dugu aurrean. Handik Motxategira (799 m)(wklcdn), ibilbide honetan zapalduko dugun tontor bakarra; pinudi artean igoko gara tontorrean postontzia (mendiak.eus) eta geodesikoa dituen eta Araba eta Bizkaia arteko mugan dagoen mendi horretara.

Jaitsiera bizkorrean, Urrunagako (turismoa.euskadi) urtegiaren ertzera iritsiko gara. Urtegi gehiena Legutioko udalerriko lurretan dago; halere zati bat Otxandiokoa da. Enklabe ikusgarri hau Legutioko erakargarri turistiko nagusienetakoa da eta, hala, aisiarekin, kirolarekin eta atsedenarekin zerikusia duten jarduerek gero eta garrantzi handiagoa dute inguru honetan.

Urrunagako (youtube) urtegiaren ertzean, pagadi batera eramango gaituen zubia zeharkatuko dugu; pagadi hartan Astakurutzeko (anboto.org) elurzuloa dago, Otxandiotik (youtube) gertu.

Otxandiora (youtube) sartzean, Vulcanoren iturritik (bilbon.biz), udaletxetik, frontoitik eta Santa Marina elizatik igaroko gara. Ez dugu txokolaterik (youtube) hartzeko aukerarik izango, edo agian bai. Auskalo.

Otxandiotik irten eta zelaietako bide eta bidezidorretatik eta Iluntxo (wklcdn) pagaditik, auzokideak diren Aramaio eta Otxandio arteko eztabaida eragiten duen mugako lurralde berezi batera iritsiko gara: Limitadua (youtube).

Olaetako (wikimedia) elizaren parean, herriko errepidea hartuko dugu 2 km-z, eta, handik, kontzeju (youtube) osoa igaroko dugu hegoaldetik iparraldera, baserri (gasteizhoy) ikusgarrien artean. Gero, guarda-etxetik aurrera, pagadi dotoreetan hasiko gara Urkiolara (wikipedia) igotzen.

16-17 kilometroko ibilaldia da, 700 metro pasatxoko desnibela duena igoeratan eta 550 metro inguru jaitsieratan. Zailtasunari dagokionez, zailtasun ertainekoa da (73), eta Urkiolako (youtube) santutegira heltzeak xarma berezia ematen dio.

Gehiago/Más