SODUPE - ARETA

(2026-09-23an, asteazkena)

Euskal Herriko Zeharkaldiko laugarren etapa honetan, Bizkaiko lurraldea utzi hurrengo ibilaldian itzultzeko eta sartu-irten txiki bat egingo dugu Araban. Gueñeseko (turismoa.euskadi) Sodupe (wikipedia)auzoa atzean utzi eta Laudioko Areta auzora iritsiko gara.

Sodupetik abiatuta, Kadagua ibaira isurtzen den Herrerias (youtube) ibaia zeharkatuko dugu. Handik aurrera 900 metroko desnibel positiboa gainditu behar dugu 10 kilometrotan. Baserriz baserri, Sagarminaga baserriraino eramango gaituzten landa-bideetan gora hasiko gara. Bideak eta bidezidorrak txandakatuz, Landateko lepora eta Kiputxeta (s1.kaia.es) mendira iritsiko gara (dagoeneko 5 km egin eta 500 metroko desnibela gainditu dugu). Handik aurrera Zazpi Hiriburuak zeharkaldiko lehen etapa hartan egin genituen bidezidorrak zeharkatuko ditugu, kontrako noranzkoan, Ganekogortako (mendiak.eus) gailurreraino. Pagero Landa (mendiak.eus) lepora iritsi ondoren (792 m), aldapa labur baina tente bati egin beharko diogu aurre, hegian gora eginez Ganekogortako (youtube) tontorrera (999 m) iristeko.

Jarraian, jaitsiera gogorra izango dugu Kurtziagako (google) leporaino, gero bidezidorretatik (google) aurrera egin, Gazteluzarretik (mendiak.eus) igaro eta Kamarakako (mendiak.eus)(797 m) tontorrera iristeko. Mendi-bide atseginetan gabiltza eta, eguraldia lagun, bista atseginak izango ditugu.

Laster, Goikoganeko (mendiak.eus) tontorra (702 m) ezkerretara utzi eta pinudi artean pistak erabiliz Laudioko Areta (pkoto.araba.eus) auzora iritsiko gara. Aretak (tudelayriberagaur) autonomoa izatea nahi izan du beti eta Erdi Aroan, Bilboko portutik eta Bermeotik Gaztelarako ibilbide komertzialen lotune (google) estrategikoa izan zen. Bada zer ikusia.

Gehiago/Más