ZALAMAKO ZOHIKAZTEGIA (uragentzia)

Zohikaztegiak egoera berezietan agertu eta ezaugarri nabarmenak dituzten hezeguneak dira. Euri askoko giroetan eta uraren elikagai eza dela medio, hildako landareak ez dira deskonposatzen eta lurrean metatzen dira. Sakonera aldakorreko landare hondakin oso zatikatuak direnez, ura xurgatu eta pilatu egiten dute, belakien gisa. Zalaman metro erdiko eta bi metroko sakonera izaten du zohikaztegiak. Bera da Euskal Herri osoan zohikaztegien maila berezian sartu ahal dugun bakarra. Mendi gailur batean egoteagatik, euri-ura baino ez du jasotzen, nahiz eta magalean isurketa batzuk jasotzen dituen.

Halako hezeguneak ohikoak dira Europako iparrean (Irlandan (wikipedia), adibidez), baina erabat apartak dira hegoalderago. Iberiar Penintsula osoan zenbait ale baino ez dago. Zohikaztegiaren inguruko landarediak atlantikoko txilarrez eta silizezko belarrez osatutako mosaiko bat taxutzen du. Txilardia espezie askoko sastraka da, Calluna vulgaris, Erica cinerea, E. vagans y Daboecia cantabrica, non otea (Ulex gallii) eta iratzea (Pteridium aquilinum) ere agertzen diren. Zohikaztegian bertan, lurra hezeagoa denez gero, Calluna vulgaris, Erica tetralix eta Molinia caerulea dira ugari, eta batez ere, Eriophorum vaginatum motakoa, Euskal Herriko ale bakarrak, non desagertzeko zorian dagoen.

Inguruetan nabarmenak dira abereak, batez ere, zaldiak eta behiak, urteetan zohikaztegiari kalte egin diotenak, etengabeko zapalketa dela-eta.

NON DAGOEN ETA NOLA HELDU

Zalamako (bizkaia21.eus) zohikaztegia Ordunte mendilerroaren ipar-mendebaldeko muturrean dago, Bizkaiko Lurralde Historikoaren Enkarterri eskualdean, herrietatik nahiko urrun, gertuena La Calera del Prado auzoa, Karrantza udalerrian.

Bizkaiko Karrantzaren eta Burgosko Mena Haranaren erdibidean dagoenez, Los Tornos mendatetik egingo dugu hurbilketa.

Los Tornos mendatetik Ordunte mendilerroaren iparreko magaletik igoko gara gailurren mailara. Ondoren, igoera piko batean bi koma hiru kilometro eginez, tontor aldera heldu, ezkerretara jo eta Zalama mendiko gailurrera iritsiko gara (1.336 m).

Handik hirurehun bat metro aurrera zohikaztegira helduko gara ordu eta erdi eman ondoren.

Itzuliko bidea toki beretik egingo dugu.

Edozein urtarotan egin daiteke bisitaldia.