Forankring
Utviklingsarbeidet må vere forankra i kommunen, hos eigar og i barnehagane. Med det meinar ein at ledelsen og personalet skal vere sterkt involvert i behovet for og gjennomføringa av utviklingsarbeidet.
Det er viktig å bruke god tid på forankringa, både i forkant og undervegs i prosessen. Dette for å sikre at alle får delta i prosessane i utviklingsarbeidet og sjå/eige viktigheita av å utvikle eigen og barnehagen sin praksis. Forankringa må også skje i forkant og undervegs i dei aksjonane som skjer på avdelingane/basane.
Together Eeveryone Achieves More
Kartlegging av behov
Barnehagebasert kompetanseutvikling skal ta utgangspunkt i kartlagde behov.
Difor er ei kartlegging viktig.
Kartlegging kan gjerast på mange vis og under finn du nokre dømer:
Medarbeidarsamtalar
Personalkartlegging
Foreldresamtalar
Brukarutndersøking
Barnesamtalar
Systematisk observasjonar av eigen praksis ( Skrifteleg, bilder, film)
Ulike kartleggingsverktøy som synleggjer behov for ny praksis ( Tras, Alle teller, KOSIP Arbeidsmiljøkartleggingar m.m.)
Personalmøter, leiarmøter og avdelingsmøter i barnehagane kan nyttast til kartlegging gjennom til dømes IGP, kaferunde, idemyldring med gule lappar e.l. for å få fram utviklingsområder. Ved å involvere alle i personalet, får ein fleire som eig og er pådrivarar i utviklinga. Dersom foreldre og barn får inntrykk av at deira meining har betydning for personalet, vil dette få gunstig innverknad på prosessen og samarbeidet.
For at ein ikkje skal hoppe frå det eine til det andre, er det lurt å planlegge for nokre år fram i tid. Heile personalet bør vere med på å setje opp punkt for område det kan vere nyttig å utvikle. Pass på å ta med dei områda som også er litt krevjande å utvikle, då desse lett kan verte prioritert vekk til fordel for noko som er kjekkare.
Google skjema eller forms skjema kan til dømes nyttast til innsamling av informasjon frå føresette til barnehagane.
Kartlegging, forankring og dokumentering i Barnehagen
Inkluder personalgruppa i utviklingsprosessen.
La gjerne barna og føresette få medverke
Situasjonen no
Bruk tid på å kartlegge kvar de er i dag.
Kva kan vi godt? Kva treng vi lære meir om?
Kva kartleggingsverktøy tenker vi er lurt å nytte i prosessen?
Kva må vi kartlegge, kva tid og korleis?
Kva teori har vi jobba med som kan vere relevant å trekke fram igjen i høve fokusområde?
Kven involverar vi i kartlegginga og forankringa? Personalet, tillitsvalde, verneombod, foreldra og barna, andre?
Fokusområde / problemstilling
sjå film under fana Aksjonslæring.
Ønska situasjon
Kva ynskjer vi å utvikle- verte flinkare til å gjere.
Korleis ser vi føre oss at barnehagen er når vi har arbeida med utviklingsarbeidet og nermar oss ønska situasjon?
Kva moglegheiter har vi for å nå ønska situasjon?
Aksjonar
Kva aksjonar kan vere lurt å gjere for å nå ønska situasjon? Lag framdriftsplan.
Aksjonslæringsspiralen er nyttig hjelpemiddel med planlegging, handling/aksjon, observasjon og refleksjon.
Kven observerar/dokumenterar gjennomføringa av aksjonen? Kva verktøy nyttar ein her?
Kvar og i kva fora reflekterar vi over resultatet i aksjonen.
Til dømes kan ein nytte GLL - gjort - lært -lurt i refleksjonen.
Bruk aksjonslæringsspiralen for å reflektere over eigen praksis. Sjå film under fana aksjonslæring.