The Internship  

Sa loob ng panahong aking isinakripisyo sa aking internship, ako'y nagpapasalamat sa mga indibidwal na nagbigay ng kanilang oras, kaalaman, at suporta upang maging makabuluhan ang aking karanasan. Sa bawat hakbang na aking tinahak, may mga tao na nagpatibay sa aking landas at nagturo sa akin ng mga bagong aral na hindi ko malilimutan.

Una sa lahat, nais kong magpasalamat sa Panginoon sa kanyang patuloy na gabay at pagmamahal na nagbigay sa akin ng lakas at determinasyon upang harapin ang bawat hamon ng aking internship. Sa kanyang biyaya, ako'y nabigyan ng pagkakataong maglingkod at magpatuloy sa aking paglago bilang isang guro.

Sa aking cooperating teacher, si Ma'am Giann O. Paras, ako'y lubos na nagpapasalamat sa kanyang walang sawang pagtuturo at paggabay sa akin sa bawat yugto ng aking internship. Ang kanyang mga payo at suhestiyon ay nagbigay sa akin ng tiyak na direksyon at pag-unawa sa kung paano maging epektibong guro. Salamat sa kanya, ako'y naging mas handa at mas matatag sa harap ng mga pagsubok.

Bukod dito, hindi ko rin puwedeng hindi kilalanin ang aking department head, si Ma'am Edarline E. Quiapo, na patuloy na sumusuporta at nagbibigay ng inspirasyon sa akin upang magtagumpay sa aking pagtuturo. Ang kanyang mga payo at panghihikayat ay nagbigay sa akin ng lakas ng loob upang patuloy na pagbutihin ang aking gawain.

Hindi ko rin makakalimutan ang aking mga minamahal na estudyante, na siyang nagbibigay-sigla at inspirasyon sa akin araw-araw. Ang kanilang mga ngiti, interes, at pagtanggap sa akin bilang kanilang estudyanteng guro ay nagbigay sa akin ng lubos na kasiyahan at pag-asa para sa kanilang kinabukasan. Sila ang nagpapaalala sa akin kung bakit ako nagsisikap at nagpupunyagi sa aking propesyon.

Nais ko rin magpasalamat sa aming adviser, Ma'am Ciedelle N. Grageda, sa walang pagod na pagsusuporta sa aming lahat upang magpatuloy at maging inspirasyon sa aming mga estudyante.

Nagpapasalamat din ako sa aking mga kaibigan at sa buong pamayanan ng paaralang Iligan City National High School. Ang kanilang suporta at pagmamahal ay nagpalakas sa akin sa bawat sandali. Sa kanilang mga salita ng pagsuporta, ako'y nabuhayan ng loob at nabigyan ng lakas upang harapin ang bawat hamon.