ANGLUNTIANG KAMALAYAN

Ang Luntiang Kamalayan ay naglalayong gisingin ang kamalayan ng bawat isa tungkol sa mga isyung pangkalikasan sa pamamagitan ng sining at panitikan. Itinatag ng mga dedikadong indibidwal na may malalim na pagmamahal sa kalikasan at sining, ang Luntiang Kamalayan ay binubuo ng mga simpleng estudyante sa iba't ibang kurso sa MSU - Iligan Institute of Technology na nagsama-sama upang lumikha ng isang plataporma na nagbibigay-pugay sa ating kalikasan.

Sa ilalim ng aming makabuluhang tema na "Ang Tunay na Ekokrit ay Hindi Pipikit", layunin naming iparating ang mensahe ng pangangalaga sa kalikasan at ang kahalagahan ng ating responsibilidad dito. Sa aming website, makikita ninyo ang iba't ibang uri ng likha tulad ng:

Eko-Awit - Mga kantang binuo ng mga estudyante na gumagamit ng tono ng mga kilalang kanta upang ipahayag ang mensahe ng pangangalaga sa kalikasan.
Eko-Maikling Kwento - Mga kuwentong nagbibigay-diin sa mga isyung pangkalikasan at nagpapakita ng ating kaugnayan at responsibilidad sa kalikasan.
Eko-Sanaysay - Mga sanaysay na nagsusuri at nagpapaliwanag ng mga konsepto ng ekokritisismo at ang kahalagahan ng pagprotekta sa ating kapaligiran.

Ang mga Tagapagtatag ng Luntiang Kamalayan

Ang mga taong bumubuo ng Luntiang Kamalayan ay mga simpleng estudyante na may puso para sa kalikasan at sining. Naniniwala kami na sa pamamagitan ng malikhaing pagpapahayag, magigising ang kamalayan ng mas nakararami at magpapasimula ng mga hakbang tungo sa mas luntiang kinabukasan.