MAGNOLIOA

IZEN TEKNIKOA: Magnolio Grandiflora

IZEN ARRUNTA: Magnolioa

FAMILIA: Magnolioceae

HOSTOA: Hostoak bakunak, alternatuak, larrukarak, obalak eta handiak dira; berde ilun distiratsuak gainaldetik, eta argiagoak azpialdetik. Hosto iraunkorreko zuhaitz bikaina da, eta 25 m-ko garaiera izan dezake.

Zurtoina – Azala

Zurtoina motza da. Azala grisa da, eta plaka txikitan zartatua.

Loreak

Magnoliak lehenbiziko landare loredunak izan ziren, segur aski; hortaz, lore motarik primitiboena dute, zuhaitzetakoetan primitiboena.

Loreak zuriak, oso handiak eta usaintsuak dira, eta bi-lau egun bakarrik irauten dute.

Fruitua.

Oboideak (pinaburu formakoak) eta gorrixkak dira fruituak.

Habitata

Magnolia, jatorriz, iparramerikarra da, eta XVIII. mendean ekarri zuten Europara.

Klima epela du berezkoa.

Erabilera

Apaingarri gisa erabiltzen da parke eta lorategietan; izan ere, eite dotorea eta hostotza iraunkorra du, eta udan loratzen da.