Ang Komisyon sa Wikang Filipino (KWF) ang nag-iisang ahensiyang pangwika ng pamahalaan na nakatuon sa pagpapaunlad, pagpapalaganap, at preserbasyon ng Filipino at ng iba pang mga wika sa Pilipinas. Bilang ahensiyang nasa ilalim ng pangangasiwa ng Tanggapan ng Pangulo, nilikha ang KWF upang magsagawa, mag-ugnay, at magtaguyod ng mga saliksik at mga proyekto para sa pagpapaunlad, pagpapalaganap, at preserbasyon ng Filipino at ng iba pang mga wika sa PIlipinas.

Isang paraan ng pagganap sa mandating ito ay pakikipag-ugnayan sa mga paaralan at iba pang institusyon bilang katuwang ng ahensiya para palawakin ang saklaw ng KWF sa pagtupad ng mga gawain, tungkulin, at pananagutan sa pamahalaan.