AURKEZPENA
Irakurle hori, webgune honetan Javier Arrieta Idiakezen euskarazko idazkiak aurkituko dituzu. Asko dira jorratutako jakintza-arloak. Hona hemen webgunera bildu diren web desberdinak. Bertan sartuz gero euretariko bakoitzean jasotako edukiak ikus ditzakezu. Halaber, orri honen amaieran webgunean harpidetzeko aukera duzu. Modu horretara, egileak eduki berriren bat jasotzen duen bakoitzean zure emailean jaso ahal izango duzu abisua.
EGILEAZ
Javier Arrieta Idiakez (Ondarroa, 1976). Lehen ikasketak Ondarroako Gurutzearen Alaben Ikastetxean (9 urtera arte) eta Txomin Agirre Ikastolan egin zituen (13 urtera arte). Ondoren, Derion egin zituen BBB eta UBI ikasketak. Unibertsitate-ikasketak Deustuko Unibertsitatean egin zituen, Zuzenbide Fakultatean, 1999an lizentziatuta. Halaber, Deustuko Unibertsitatean egin zituen doktoradutza-ikasketak ere. Bada, itsasoko langileen Gizarte Segurantzari buruzko tesia defendatu zuen 2005ean, bikain cum laude-rekin kalifikatu zena.
Gainera, Deustuko Unibertsitateko Euskal Gaien Institutuan itzulpengintza juridikoari ekin zion 2000an.
Deustuko Unibertsitatean Lanaren eta Gizarte Segurantzaren Zuzenbideko irakasle da 2004-2005 ikarturtetik, Zuzenbide Fakultatean eta DBS delakoan. Bertan, Zuzenbideko eta Enpresen Administrazio eta Zuzendaritzako graduetan ez ezik, Abokatutzarako Masterreko eta Giza Baliabideetako Masterreko eta Zuzenbideko doktoradutzako irakalea ere bada. 2024tik Lanaren eta Gizarte Segurantzaren Zuzenbideko katedratikoa da.
Orobat, eskolak ematen ditu Euskal Herriko Unibertsitateko Gizarte Ekonomia eta Ekonomia Solidarioko Masterrean.
Ikerketari dagokionez, bere ikerketa-lerro nagusiak lan-harremanen, Gizarte Segurantzaren eta kooperatiba-zuzenbidearen ingurukoak dira. 2016tik ikerketa-talde desberdinetako burua da. Horrenbestez, nazioarte, estatu eta autonomia-erkidego mailako edozenbat proiektutan parte hartu du.
Unibertsitatetik kanpo 10 urtez izan da BITARTU-Euskadiko Kooperatiba Arbitrajeko Zerbitzuko arbitroa, Bizkaiko Abokatu Bazkuneko kide da eta Zuzenbidearen Euskal Akademiako Batzako mahaikidea.
Komunikabide desberdinetan parte hartzen du, 2015etik, solaskide edo iritzi-artikuluen idazle moduan, hala nola, EITBn, Bizkaia Irratian, Noticias Taldeko egunkarietan, EnpresaBidean edo TTAP aldizkarian.Â
Karmel Aldizkarian idazten du 2006tik eta Ondarroan Arranondo aldizkarian idatzi zuen 2000tik 2018ra eta Ondarroa urtekarian ere idatzi izan du.
2017tik Labayru Fundazioko Artezkaritza Batzako kide da.
Ondarroan, 2003tik 2007ra Kultura-zinegotzia izan zen.
