Grupos de convivencia estable

Estableceranse grupos de convivencia estable na Educación Infantil e Educación Primaria, nos que se terán en conta as seguintes medidas de carácter específico:

• Poden socializar e xogar entre si sen ter que manter a distancia interpersoal de forma estrita.

• Deberán evitar a interacción con outros grupos do centro educativo, limitando ao máximo o número de contactos, o que non faría necesario gardar a distancia interpersoal de 1´5 metros en aula.

• Para o acceso ao centro:

• Entrarán directamente á súa aula despois de baixar do autobús, respectando o recorrido e portas de acceso indicadas, para minimizar o máximo o contacto con outros alumnos/as e persoal do centro.

• O alumnado dos grupos de convivencia estable menor de 6 anos deberá acudir ao centro con máscara, que quitarán dentro das súas aulas coa axuda das mestras unha vez colocados chaquetas e material nos percheiros e espazos correspondentes e rematada a limpeza de mans.

• O resto de alumnado, de 6 a 12 anos, empregará a máscara de maneira xeral.

• Todo o alumnado terá que taer ao centro unha máscara de recambio, así como un estoxo co nome de neno/a para gardar a máscara principal en caso de ter que quitala (por exemplo no comedor).

• Dentro da aula:

• Cada alumno terá o seu kit individual de traballo (caixiña plástica ou estoxo co seu nome con obxectos de emprego máis común).

• Cando sexa necesario empregar material común, distribuirase en gabetas ou caixas para cada un dos grupos, tendo que ser desinfectado unha vez finalizado o seu emprego.

• Limitaranse, na medida do posible, os movementos dentro da aula.

• Existirán zonas ben diferenciadas para que os alumnos poidan gardar o seu material e cando este sexa gardado de xeito grupal, a mestra ou o alumno/a encargado/a de material segundo a idade, procederá á preceptiva desinfección de mans antes de levalo a cabo.

• Se é preciso que un alumno empregue a pizarra, realizarase unha desinfección previa con xel hidroalcohólico do rotulador que empregue.

• Todo o profesorado especialista que entre na aula deberá empregar máscara e facer unha correcta desinfección de mans.

Outros aspectos:

• Nos cursos de EI e 1º e 2º de EP, poderán formarse grupos de traballo cooperativo estables, de tal xeito que se reduzan as interaccións físicas entre grupos. Deste xeito, tentaremos que dentro da aula o contacto directo únicamente se produza entre grupos dun máximo de cinco alumnos.

• Nos momentos nos que todo o grupo poida estar xunto -recreos, traslados- o alumnado procurará portar máscara.

• Ao trasladarse de aula para levar a cabo as sesións de EF, música ou saír ao patio, deberán respectar o percorrido deseñado para ese grupo en concreto e na orde de entrada/saída asignada.