Da Idade de Bronce existe un verdadero tesouro de arte rupestre, en Outeiro do Cribo, representado por petroglifos que datan do ano 1000 a.c. e que representan labirintos, cervos, círculos, homes a cabalo e os máis variados tipos de xogos xeométricos. Situado perto do camiño de Santiago na súa variante marítima, antes de chegar ao mosteiro de Armenteira, é unha laxe granítica, inclinada cara ó oeste con 5 metros de lonxitude por 2, 5 metros de anchura.

Os únicos labirintos gravados nas rochas galegas polos nosos ancestros son este e máis o de Mogor, ao outro lado da ría de Pontevedra, case un enfrente do outro.