Co gallo do día da poesía estamos empezando a preparar a nosa sementeira, pero non pensedes no horto, estamos preparando unha sementeira de poemas!

Xa vos advirtimos que dentro de pouco van aparecer poemas sementados en moitos lugares, os propios nenos e nenas do colexio os sementarán, no lugar menos esperado poden aparecer, e se atopades algúns xa vos digo que podedes axudarnos a espallar a sementeira. Só tedes que ler o reverso do poema e seguir as instruccións, e se facedes o que se vos pide pode que a fotografía sexa publicada aquí, xunto co lugar onde nos axudastes a sementar.

Aquí tedes o que aparece no reverso dos nosos poemas sementados:

1. Se atopas este poema, leo e goza del.

2. Se che gustou, déixao no mesmo lugar ou lévao para outro sitio para que máis persoas poidan gozar del.

3. Se o levas para outro sitio, colócao nun lugar visible, faille unha (1) foto e envíanola por WhatsApp ao 698 119 292, tenta que na foto non se vexan rostros, xa que así poderá ser publicada na nosa web.

4. Cando nos envíes a foto, indícanos o lugar onde está feita a fotografía (así saberemos por onde vai agromando a semente da nosa poesía e da nosa lingua).

5. Pedímosche, sobre todo, que non o tires nin o estragues, porque estarías esnaquizando un anaquiño de cultura e de ilusión de nenos e nenas, que son cousas que todas e todos precisamos.

MOITAS GRAZAS!!

Qué vos parece? Estades dispostos a axudarnos?

Como podedes ver uns poemas viaxaron moito e outros non volvemos saber deles.

O noso obxectivo está cumplido, espallar un pouquiño da nosa cultura polos diferentes lugares que visitamos no mes da lingua.