Obxectivos

Dende a ANPA A Toxa queremos propoñernos novos obxectivos, novos logros e novos desexos, que serían:

1. Afianzar o Proxecto Educativo do Centro, informando máis amplamente do mesmo e facendo o desenrolo normativo necesario (NOF e Plan de Convivencia), cunha participación activa das familias.

2. Continuar a comunicación aberta e fluída co Equipo Directivo do Centro, establecendo os mecanismos oportunos para que dita comunicación sexa eficaz e eficiente.

3. Afianzar a participación dos pais e da ANPA na Comisión de Familias.

4. Continuar coa organización de actividades e coa participación en outras que organice a comunidade educativa, procurando xestionalas mellor cunha correcta coordinación co Centro, co Concello e coa ANPA de Dena.

5. Incentivar ós pais para a súa participación activa na vida do Colexio e fomentar o ingreso na asociación de máis pais.

6. Continuar a “Escola de Familias”, buscando que se fagan as sesións con máis regularidade e con máis participación dos pais.

7. Reclamar ó Concello que se cree a praza de Conserxe e se cubra de forma permanente.

8. Mirar polo mantemento da Aula de Acollida – Plan Madruga e do Comedor no noso centro educativo para que nais e pais poidan conciliar a vida familiar, laboral e escolar.

9. Reclamar, en unión coa ANPA de Dena, unha praza compartida de persoal administrativo que preste servizo nos dous colexios de As Covas e Dena.

10. Solicitar das Administracións competentes as melloras en obras e materiais que se estimen necesarias para o noso Colexio.

Nos últimos anos a actividade da ANPA creceu enormemente. As actividades realizadas ou participadas pola ANPA concrétanse en:

• Organización e xestión de actividades extraescolares para os nenos e nenas.

•  Impulso da participación das nais e dos pais nas Eleccións a Representantes dos Pais e Nais no Consello Escolar.

• Colaboración nos actos e festas organizados polo Colexio.

• Presentación no Concello de escritos pedindo a creación da praza de Conserxe para o Colexio.

•  Reunións co Xefe Territorial da Concellería de Educación para reclamar obras e melloras para o colexio.

• Organización da “Escola de Familias”, en colaboración coa Asociación Avante de Portonovo.

• Participación na Comisión de Familias creada no Colexio.

• Reunións frecuentes co Equipo Directivo do Centro para incrementar a participación dos pais na vida do Colexio.

• Reclamación da instauración do Plan Madruga para o Colexio.

• Colaboración no desenrolo do Proxecto Documental Integrado (PDI) de cada curso escolar.

• Festa de Fin de Curso da ANPA.

• Colaboración no desenrolo do Festival de Fin de Curso.

• Xestión da Excursión de Fin de Curso.

•  Participación activa en tódolos Consellos Escolares, ordinarios e extraordinarios, aportando ideas e mostrando os intereses dos pais e nais ó resto da comunidade educativa.

• Aportacións económicas para o Colexio, como a entrega de 2000 euros para material matemático e científico durante a pandemia do Covid-19.

•   Solicitude de instauración e xestión do Comedor Escolar.

A ledicia polo vivido ata agora e a valoración positiva do traballo da ANPA e do resto da comunidade educativa non poden supoñer en ningún caso unha sensación de meta acadada. Pola contra debemos seguir afianzando o ben feito e mellorando o que non está ben feito ou non se acadou.

As actividades desenroladas pola ANPA A Toxa fanse grazas a participación dos pais e nais do Colexio que prestan o seu tempo para que os nenos e nenas poidan gozar delas.

O desenvolvemento das actividades permite que a asociación poida axudar tanto ós nenos como ós pais a gozar do Colexio como un espazo común de convivencia e diversión, máis alá da mera labor educativa, o que fai que o Colexio non solo sexa un lugar no que aprender, senón un lugar en torno o cal poida xirar a vida social de Meaño.

En definitiva, dende a ANPA A Toxa o que pretendemos é que o Colexio sexa un punto de reunión para as familias, centro neurálxico da vida e educación dos nosos fillos e das nosas fillas.