ikasiyam na baitang
PAMBUNGAD SA EKONOMIKS
PAMBUNGAD SA EKONOMIKS
Ang mga aralin sa Pambungad sa Ekonomiks ay nakatuon sa pagtalakay sa ginagampanang papel ng Ekonomiks sa patuloy na pagharap ng tao sa mga hamon ng modernong panahon. Binibigyang diin sa pag-aaral ng Ekonomiks ang pagkakaroon ng positibong pananaw bilang gabay sa bawat desisyong gagawin na makaaapekto’t makahuhubog sa pag-unlad ng lipunan. Magsisimula ang talakayan sa mga panimulang konseptong kaugnay ng Ekonomiks. Susundan ito ng mga talakayan ukol sa Microeconomics, Macroeconomics at magtatapos sa talakayan ukol sa Pambansang Kaunlaran at mga Sektor ng Ekonomiya.
Naipamamalas ang malalim na pag-unawa sa mga pangunahing kaisipan at napapanahong isyu sa Ekonomiks at Pambansang Pag-unlad gamit ang mga kasanayan at pagpapahalaga ng mga disiplinang panlipunan tungo sa paghubog ng mamamayang mapanuri, mapagnilay, mapanagutan, makakalikasan, produktibo, makatarungan, at makataong mamamayan ng bansa at daigdig.
Unang Markahan
Mga Panimulang Konsepto, Microeconomics: Ang Mamimili, Batas ng Demand, Ang mga Negosyo
Ikalawang Markahan
Microeconomics: Batas ng Supply, Equilibrium, Elastisidad,
Macreconomics: GDP, Inflation, Unemployment, Kalakalang Panlabas
Ikatlong Markahan
Macroeconomics: Patakarang Piskal, Patakarang Monetaryo, Pambansang Kaunlaran, Mga Sektor ng Ekonomiya
Sinusukat ang pagkatuto ng mga mag-aaral sa pamamagitan ng mga indibidwal at pangkatang pagtatasa o evaluation. Inaasahan ring maisagawa ng mga mag-aaral ang mga sumusunod na gawain para sa taunang proyektong Trade Fair:
Unang Markahan
Pagsusulat ng isang Market Research ukol sa isang Produkto
Ikalawang Markahan
Paglikha ng isang Commercial para sa Natatanging Katangian ng Napiling Produkto
Ikatlong Markahan
Pagluluto ng Produkto para sa Community Kitchen