ક્યાંથી ફાવે ?
Post date: Nov 05, 2020 5:55:7 AM
બ્હીતાં બ્હીતાં જીવવું મારે, સાલુ ક્યાંથી ફાવે?
વિષાણુને કાયમ કરગરવું , સાલુ ક્યાંથી ફાવે?
મેલા ઘેલા હાથોને તો, રોજ ઘસીયે ચાલો.
ચોખ્ખા ચટ્ટને ઘસતા રહેવુ, સાલુ ક્યાંથી ફાવે?
ભેટા-ભેટી, ધબ્બા-ધબ્બી ના, હૂંફ વિનાનું જીવન,
આઘે રહિને રડવુ હસવું , સાલુ ક્યાંથી ફાવે?
ન વાંક છતાંય મોઢા ઉપર, પડદો બાંધી ફરવુ,
આ કારણે અંતરથી સમસમવું, સાલુ ક્યાંથી ફાવે?
મૌજુદા હાલાતે ભગવન્ , “હ્રદય”થી સમજી શકીએ,
તમને પણ આમા અવતરવું , સાલુ ક્યાંથી ફાવે??
- “હ્રદય” નિરવ મહેતા
સહાયક પ્રાધ્યાપક,
પા. ઇ. વિભાગ , વિજીઇસી ચાંદખેડા