光輝典藏

 李玫瑤老師創作作品：

   (1) 客語讀這劇場文本-來去學校讀書

   (2) 客語歌曲歌詞-遐個靚靚的所在

   (3)  客語讀這劇場文本-大水來囉 

    (4)  答嘴鼓文本-肉圓伯阿火

    (5)   答嘴鼓文本-錦鯉城

客語讀這劇場文本-來去學校讀書

113 崙小讀者劇場 來去學校讀書 

全-行行行行行恩人作垺手牽手，歡喜來讀書，歡歡喜喜來讀書 1：天光光…天光光阿 來去讀書喔…… 

2：阿明敖早喔…𠊎阿怙ㄚˋ今日歇睏毋使做事，等一下會渡𠊎去學校，所以今 日你自家去學校 全：哇…真好…真好餒，你个阿怙歇睏，毋使做事 

3：𠊎屋下離學校無幾遠，逐日攏係佮阿美用行路去學校个，有時務𠊎嘛會佮𠊎屋 下人作垺行路去，阿依講有人作伴行…較安全，較無危險 

4：係喔…學校先生嘛輒輒教大家，毋好自家一個人在大路行 全：恩恩（點頭），著ㄚ，大路車真多，愛細義 

5：𠊎屋下蹛較遠，逐日攏係屋下人駛車載𠊎去學校，毋驚風大、毋驚雨，嘛毋驚 大日頭，坐在車內底頭愛講事…係我，嘰嘰吱吱講無歇。 

6：𠊎逐日晨早攏係𠊎个阿公，用鐵馬載𠊎去學校；阿公輒輒會按講：這滿个細子 去學校攏係大人載便便，所以你愛較認真讀書咧…… 

7：著喔…著喔，𠊎阿媽嘛不時會迺迺念：講這滿个細子，逐個攏真好命出門有大 人載 

8：𠊎係𠊎阿依用奧多拜載𠊎去學校ㄝ，坐在奧多拜後背佮阿依攬核核，聽阿依 講：在學校愛乖乖聽先生个事，毋好佮同學冤架…… 

9：有時務𠊎會自家騎鐵馬，因為𠊎个阿怙阿依係作墻人，種真多真多个果子；收 成个時會真無閒 全：哇…你真慶、真厲害喔…… 

10：毋過自家騎鐵馬，會真危險餒… 

11：著阿！𠊎阿依識講過，細子人毋會用自家一個人在大路騎鐵馬 

12：毋會毋會啦…𠊎會佮隔壁屋邊个阿哥阿姊作垺騎，會真細義、會騎在白線內 底、會注意來來去去个大車細車，嘛會䀴青紅燈。 全：真好餒，𠊎人嘛想討自家騎鐵馬去學校 

13：毋管係騎鐵馬、自家行路 

14：猶係序大人載 

15：大家攏要歡歡喜喜 

16：平平安安來學校上課 

全：今日𠊎人講到這 勞力大家

遐个靚靚个所在 

（一） 

天清清水淨淨 天清水淨 這兩句是形容「天傑地靈」

 這个所在真尚靚 國：這个地方很漂亮 

這个所在真尚靚 國：這个地方很漂亮 

這位个土地肥擱平 國：這裡的土地很肥沃

 蒔田種菜實在有出名 國：插秧種菜時實在有出名 

毋驚寒 國：不怕冷 

毋驚熱 國：不怕熱 

日夜勤打拼 國：日夜努力打拼 

家家戶戶收成……國：家家戶戶好收成 

彭湃擱好命 國：大豐收又好命 

（二） 

風涼涼雨順順 風涼雨順 這兩句是形容「風調雨順」 

這位有趁錢運 國：這个地方有賺錢運 

這位有趁錢運 國：這个地方有賺錢運 

這位个頭牲歸大陣 國：這个地方的牲畜一大群 

供雞供牛逐儕足認真 國：養雞養牛每一個人都很認真 

莫想懶 國：不要想偷懶 

莫想悿 國：不要想累 大家共條心 

國：大家一條心 雞稠牛稠嘛係……國：雖然是雞舍牛舍也是 

會生黃金 國：會生黃金 

（三） 

崙背好崙背靚 國：崙背好 崙背真漂亮 

有閒來尞 國：有空來玩 

作垺得𠊎請 國：一起聚聚餐 

作垺得𠊎請 國：一起聚聚餐 

啉牛奶食肉圓傍大餅 國：喝牛奶吃肉圓配肉餅 

味素香甜好食毋使驚 國：味道香甜好吃不必怕 

攔緊來 國：趕快來 攔緊來 國：趕快來 

攔緊來崙背 國：趕快來崙背 

你正會了解崙背个好名聲國：你才會了解崙背的好名聲

 題目：大 水 來 囉 

1：大水討來ㄚ…大水討來ㄚ，大家較緊傢伙頭收收咧，緊走 喔…… 2：大家無聽毋著，這係一個庄頭个村長提大聲公在通知村民，大 水討來丫較緊走去較高个所在 3：這係一個真實个故事，發生在民國初年个一個客庄，脣頭 有溪，村民逐日雞啼即跋起來作墻，日頭落山阿正歇睏轉 屋下，毋過無採工啦…… 4：逐回若烏天暗地落大雨个時，溪水即滿出來流入來庄頭 5：跈个大水即到位…恩人無通收成，嘛無法度擱作墻 6：逐年哪大水一來屋即得水沖沖走，連蹛个所在嘛無 7：你人講个攏著，毋過恩人仰子愛蹛佇溪脣 8：恩人个祖先辛辛苦苦經過烏水溝，來到這恁靚个庄頭即蹛 落來，恩人即蹛這，那無討蹛哪位？？？ 9：天慢慢暗落來……半夜个時……水哪來哪多…哪來哪多 10：緊走…緊走，大家較緊走去伯公廟脣，大家緊走喔…… 11：水真大…一下子…一下子定…歸個庄頭變作平地 12：雨歇阿，大水一過，大家轉到庄頭開始整理田地、擱愛翻 起屋… 13：𠊎有想著一個辦法，得屋毋會得水沖走，毋知有效抑無 效 14：真經喔…你講看望，屋仰子正毋會得水沖走 15：𠊎得想…佮屋壁兩裡留一個孔，大水來个時佮壁肚个泥 敲敲莫 ！ 16：喔…𠊎知阿，擱來即會用提「串擔」拁屋扛去伯公廟脣著無 17：大水過後，恩人正擱佮屋扛轉來，壁肚擱抹泥起去，按即有 

肉 圓 伯 阿 火

岱容:肉圓喔...食肉圓,大家緊來食肉圓,真好食ㄝ肉圓喔...

毓婷:這擔ㄝ肉圓不知好食無?

瑋心:當然嘛好食

毓婷:你奈會知

瑋心:我在地人餒,我个阿嬤攏會渡我去食肉圓丫喔...

岱容:著啦,著啦!我ㄝ阿公做ㄝ肉圓頭好食ㄚ

瑋心:麥吵...麥吵...轉去顧擔,做生理啦

岱容:喔...好啦

瑋心:我个阿嬤識佮我講過,頭家係阿火伯;阿火伯自細漢ㄝ時即真乖,逐日過得無擘

無心,賞得真快樂

毓婷:佢ㄝ阿怙ㄚ、阿依係做穡人,田在無閒ㄝ時,阿火會自家去鬥相共

瑋心:咦怪奇喔,你樣子會知

毓婷:我个外號係「包打聽」所以我逐件攏嘛知

瑋心:哼,毋過...佢ㄝ爺哀做穡ㄝ收入實在真少

毓婷:阿火ㄝ兄弟姊妹又真多

瑋心:所以阿火ㄝ阿怙ㄚ,決定討去外頭學功夫

毓婷:學功夫真辛苦,時日一日一日過去,阿火ㄝ阿怙總算出師

瑋心:轉來崙背,開始賣肉圓

毓婷:實在真辛苦,逐日早早天吂光即愛起來,挨米做肉圓ㄚ

瑋心:阿火真乖,逐日嘛攏真早起來,拁佢ㄝ阿怙ㄚ鬥相共

毓婷:阿火即係按,所以佢拁做肉圓ㄝ功夫,攏學起來

瑋心:阿火做兵轉來,佢ㄝ爺哀嘛老ㄚ,佢拁肉圓擔接落來做

毓婷:頭頭下,生理真無好

瑋心:毋過阿火毋驚艱難

毓婷:著面做生意,著面研究樣子正會得肉圓變得較 Q,較好食

瑋心:一年一年擱一年過去,阿火肉圓愈來愈出名,人客嘛愈來愈多

毓婷:本來係在路脣排擔子,認真打拼幾年後,總算在學校圍牆脣有一個固定擔位

瑋心:按真好餒!

毓婷:毋過「人算較輸天算」因為學校討翻起,所以「阿火肉圓」又愛去廟脣賣肉圓

瑋心:阿火用「甘願做牛,毋驚無犁通拖」ㄝ精神認真打拼,逐日早早即出門,毋管透

風抑係落大雨,攏無歇睏。

毓婷:所以「阿火肉圓」這滿毋ㄌㄚ有自家ㄝ店面,擱係「上港有名聲,下港真出名」

瑋心:我這滿逐日攏愛食「阿火肉圓」喔...

毓婷:唉呦!講恁久ㄚ,會用食肉圓吂?

岱容:來ㄚ!食肉圓囉

三人一起:歡迎大家來崙背食肉圓喔......

錦 鯉 城

楊子德//ㄚ牛

黃韵函//罔腰

吳玉翔//鯉魚

ㄚ牛、罔腰:我係ㄚ牛、我係罔腰上台一鞠躬

罔腰:擱鞠躬、三鞠躬、四鞠躬............

ㄚ牛:夫娘ㄚ,較正經咧!!

罔腰:ㄛ真疾呢!恩人來這討這麼个?

ㄚ牛:來這講「魚」,講靚靚个「魚」

罔腰:我知我知,在崙背鄉水尾莊內,有一座靚靚个錦鯉城,有供真多彩色个錦鯉,

喊做「欣昌錦鯉場」

ㄚ牛:這兜錦鯉係阿哲阿公佮金花阿嬤供个,佢人兩儕足打拚,毋過生理一日比一日

ㄇㄞ^

罔腰:阿公、阿嬤年歲越來越大,身體嘛無法渡和較早比

ㄚ牛:所以佢兩儕喊蹛在城市ㄝ妹子小瑩,轉來屋下鬥相共

罔腰:小瑩轉來庄下,頭頭下真毋會貫勢,城市鬧熱擱好賞,庄下真無心適擱早早即睡

ㄚ

ㄚ牛:毋過時日一久小瑩即貫勢,對供鯉魚嘛有無共ㄝ想法

鯉魚:我係一隻靚靚ㄝ鯉魚,逐日攏蹛在這真無心適

罔腰:你毋使擘心,小瑩阿姐討渡你出國去尞

鯉魚:耐會恁好,

ㄚ牛:因為錦鯉場攏了錢,所以小瑩討渡你人出國去比賽,得大家攏知「欣昌錦鯉場」

ㄝ鯉魚係世界頭靚

罔腰:毋ㄌㄚ按,小瑩擱想真多ㄝ辦法,討佮你人這兜鯉魚攏換新衫

鯉魚:真經ㄝㄛ,有新衫著ㄚ!我較緊來去佮大家講

ㄚ牛:真希望小瑩會用成功,按阿哲阿公佮金花阿嬤恁多年ㄝ打拼正毋會無去

罔腰:小瑩逐日攏真認真在做鯉魚ㄝ新衫,雖然阿哲阿公真無佮意按做,毋過猶係在佢

膴身唇鬥相共

幾 个 月 後

鯉魚:唉!講麼个討出去尞,惑人ㄝ

罔腰:鯉魚ㄚ!你樣子啦,樣子恁無精神

ㄚ牛:係阿,小瑩毋係渡你出國去比賽

鯉魚:係出國ㄚ,開真多真多錢出國嘎得人惑去

ㄚ牛:ㄚ,得別儕惑去ㄛ!

罔腰:ㄚ公佮ㄚ嬤儉恁多ㄝ錢,做一下子攏得人惑淨淨

ㄚ牛:係啦!我人到位國外正知,無麼个比賽,小瑩聽著這个消息歸个人攏憨去ㄚ,大

家你攬我、我攬你直直唩...............

罔腰:這兩個老ㄝ,勤勤儉儉一世人正存遐兜錢定,討樣子正好?

ㄚ牛:夫娘,你ㄇㄞ唩啦

鯉魚:我有聽小瑩講,佢討去銀行借錢遐我人這兜鯉魚,作較靚ㄝ新衫,擱遐我人供到

肥肥,明年自家渡我人出國去比賽。

ㄚ牛:ㄚ!又擱去銀行借錢

罔腰:你毋使擘心,小瑩自家會打算

ㄚ牛:好啦、好啦!那無,了去个錢會提毋會轉來

罔腰:這暫,我看小瑩真打拚

ㄚ牛:係啦!我嘛有看著,毋管出大日頭、落大雨、做颱風,佢攏真認真、真打拚

時間一個月一個月過去啦

鯉魚拿著一台道具飛機在舞台逛一圈

(一年後)

罔腰:老ㄝㄚ,我佮你講小瑩渡真多真靓个鯉魚出國

ㄚ牛:我知,我比你擱較關心啦!唉,

罔腰:你樣子擱敨大氣

ㄚ牛:小瑩佢人出國去比賽,毋知比了樣子??

鯉魚:啦...啦...啦...我係一隻靚靚ㄝ鯉魚,逐日游來游去真歡喜。

罔腰ㄚ牛:係阿,耐干靚

鯉魚:我轉來ㄚ!你大家看,我係不係真靚,無毋錯,因為我係一隻得到世界冠軍个鯉

魚

罔腰、ㄚ牛、鯉魚:(高興大跳)第一名,第一名

罔腰、ㄚ牛:對這滿起大家攏毋使擘心ㄚ!!

我係ㄚ牛、我係罔腰、我係靚靚个鯉魚

感謝大家!!!!

雲林縣99年度本土語言話劇比賽客語類第1名

(參加全縣台灣母語日成果觀摩會表演檔)

第5屆全國客語生活學校成果觀摩賽中區優等

參加客家電視台錄影第1集  第2集   第3集             

客語戲劇創作 ----  開喙獅搶珠

第一幕  農田裡

客庄

（振）：今年天氣真順，我ㄝ洋香瓜生得特別靚

（振）：係啊

（振）：自阿善師教恩功夫了後，恩即毋驚土匪來搶恩ㄝ物件啊

（振）：學功夫會用得身體變勇，擱會用保護自家

（全體農民）：嘛毋使擱驚土匪

（振）：緊做事啦，無做無通食……

農路上

（武）：你人大家知無？（振興社村民一面做一面聽）

（武）全體：知麼個？

（武）：著啊！逐日發生ㄝ事恁成多，你講ㄝ係哪件？

（武）：聽講大廟討弄獅比賽

（武）：弄獅？阿牛頭會啊

（武）：著啊！所以恩一定愛報名參加

（武）：嗯…（點頭）較緊轉來去佮館主報告

（三人連忙跑回武野館）

（振）：（拉著衣服）有聽著無？

（振）：ㄇㄞ^揪啦，有聽著啦

（振）：哪儕毋知恩振興社个開喙獅，係頭厲害ㄝ

（振）：比賽呢…

（全體農民）：一定愛參加，阿明你看樣子？

（振）：轉來去問師父

（三人連忙跑回振興社）

第二幕  廟裡

主委：今日請大家來廟坐，係有一件事佮大家參詳，這幾年來無大風大雨、無天災，大家收成

      一年比一年好，生活嘛愈來愈好

振興社社長：這攏愛感謝神明保護

武野館館主：係啦！大家正會用過得平平安安

（在場所有人）：著啦！著啦

主委：所以今年年底，廟打算舉辦弄獅搶彩球个表演得大家鬧熱一下

振興社社長：真好，我「振興社」一定參加

武野館館主：廟个事「武野館」一定支持

振興社（一起）：我人一定贏

武野館（一起）：我人會搶著球

振興社（一直重複）：我人會贏

武野館（一直重複）：我人第一

主委：（雙手舉起希望大家安靜）歡迎！歡迎！。

第三幕   「振興社」

音樂

獅隊練習情況

第四幕   「武野館」

獅隊練習情況

第五幕  

主委：今日係恩莊个作平安，真歡喜邀請著「振興社」佮「武野館」作垺來表演弄獅搶彩球

      這係表演賽請大家毋使緊張；這滿請兩隊準備，表演開始……

謝幕：

振興社打開彩球一起唸：得大家五穀豐收

武野館打開彩球一起唸：祝大家平安快樂

客語歌謠創作 ----  落雨啊

（一）

人聲：落雨啊喔

人聲：落雨啊喔

係哪儕佮墨水打倒啊   

歸个ㄝ天頂攏烏摸摸  

烏雲飛過來   一蕊  兩蕊  三蕊

燁爧看過來   一條  兩條  三條

雷公聲  得人咇咇制

滴滴滴      答答答

滴答   滴答   滴滴答

（二）

你擎雨傘     我戴笠婆

你著雨鞋     我打赤腳

人聲：你看   你看

花開啊  草青啊  樹挺啊

連薍薺嘛歡喜……跳朗絲

滴滴滴      答答答

滴答   滴答   滴滴答

（三）

泥下濕  溪水流  魚塘淰

鯽魚嘛浮出來水面看鬧熱

哦吔！   哦吔！

拐子ㄅㄛ  ㄅㄛ跳

吔哦！   吔哦！

蚯蚯婆坎坎爬

番鴨真歡喜   跳落魚塘去賞水

白鵝毋認輸   走去水底和佢比

雞么頭可憐   歸陣迷佇屋簷下

粉鳥共款樣   嘛會飛毋敢變把戲

滴滴滴      答答答

滴答   滴答   滴滴答

（四）

雨歇啊   天開啊

日頭呀出來啊

又擱係一個好天氣

毋過我ㄝ心情   我ㄝ心情

煞一兜啊嘛無歡喜

你看望   你看望

歸膴身賞得濕漉漉   濕漉漉

轉去屋下  轉去屋下唉……

會ㄉㄧㄣˋㄇㄚ死

滴滴滴      答答答

滴答   滴答   滴滴答

細子頭愛賞

雞啼ㄚ！天光光！

雞啼ㄚ！天光光！

雞啼ㄚ！天光光！

雞啼ㄚ！天光光！

細子細真愛賞，細子細真愛賞，細子細真愛賞，

無擘無心賞歸日。

賞麼個？

天頂面上小小紙飛機，高高飛直直在天崠面上西呀西，

飛入童年回憶，造飛機造飛機來到青草地，消失在天內底。

尋著飛機，得我想起童年的回憶，

造飛機造飛機來到青草地，鼻著幸福的氣味，

小小飛機載滿回憶洽幸福溫暖我的心。

天崠面上小小紙飛機，高高飛，

直直在天內底西呀西，

消失在天內底。

這下的細子頭愛賞，賞麼個？

電腦，電腦Will，擱跑跑卡丁車。

                                               參加客家電視台奧林P克錄影