創作發表與研究
閩南語童謠 林嘉娥老師
一、
駛ㄅㄨㄅㄨ
駛ㄅㄨㄅㄨ 來迌
駛到一半路找無
頭前看到淡水河
河邊一个老阿婆
路邊擺攤賣青蚵
緊來問 老阿婆
頭前的路你知無
想袂到
阿婆耳空聽攏無
二、
弟弟學講話
弟弟學講話 叮叮噹噹 講真多
講鳥仔 天上飛
講糖仔 還沒買
叫阿公 來泡茶
弟弟學講話 咿咿喔喔 講啥貨
原來是
肚子餓要喝ㄋㄟㄋㄟ
三、我上愛的人 羅妙如老師
猶會記得十二冬前，一个學長想要逐我，雖然伊對人很好，敖拍排球，腳手健丟，嘛真躼跤，不而過，我上凍袂條伊食飯真慢，「這个查甫人食飯有夠慢，我已經食飽矣，伊竟然還咧食，予人凍袂條；看起來瘦卑巴，比我閣卡瘦……我才無愛佮伊交往。」這是我那彼當時的心聲，所以一開始我對伊並無意思，毋過，世事如棋，乾坤莫測，人算不如天算，愈想不到的代誌，愈會來發生，幾个月了後，阮就做夥矣，伊煞變做我的男朋友。
鬥陣兩年外，我感覺阮的感情白汫無味，就想欲佮伊分手，想袂到伊非常認真咧講：「我無愛驚天動地的愛情，䆀䆀翁食袂空，我想欲永遠佮你做夥。」聽伊說了，我真感動，就無佮伊分手，彼條看無的姻緣線佮阮綁絚絚，最後阮結婚矣，即馬伊就是我上愛的人。
每一个人攏有優點佮缺點，即馬伊食飯的速度嘛是慢，猶毋過，我已經接受伊這个缺點，因為無人是完美的。伊定定佮我講，無啥麼代誌是無法度解決的，凡事無需要相計較。這十幾年來，阮會凍講說是沒冤家過，因為逐擺我生氣的時陣，伊攏會讓我，閣會想辦法弄予我笑。進前我是一个閉思的人，佮別人講話的時陣，會歹勢看人的目睭，伊就教我看對方的鼻仔，按呢毋但袂失禮，嘛會當沓沓仔訓練家己的膽識，提高自信心。
踮這个世間，上瞭解我的人就是伊，我咧想啥伊攏知，我向望阮會當做夥牽手到老，永遠糖甘蜜甜。
四、上快樂的代誌 盧碩翬老師
在阮細漢的時陣，有一冬的熱天，阮阿爸帶歸家伙仔去旗津旅遊，這是阮頭一擺坐船，也是我頭一遍離開台灣島，我的心情實在是真歡喜，在還未出發近前，我就歡喜得整天噗噗跳。
總算乎我等到出發這一工了，那一日透早，阿母就將阮們攏總叫起床，準備出發了。等車開到高雄市了後，就要換坐船啊！因為我是頭一遍坐船，雖然這隻船仔嘸講真大隻，但是我猶原覺得真趣味，上船了後，船長叫大家攏總要穿著救生衣，然後船仔就慢慢啟程出發了。這時陣我看到船仔邊的海水乎船仔劃成二條白色的水波浪，海湧也愈來愈高吔！船仔搖來搖去，阮也感覺頭殼暈暈的，原來我已經離開台灣島啊！
嘸多久，船就來到旗津的碼頭，脫掉救生衣，大家就一個接一個下船，因為天氣實在有夠熱，阿爸就叫一碗大碗公的冰乎阮們吃，哇！真正是透心涼，再叫二台後斗有篷仔待拉客吔三輪車呼歸家坐，然後阮們就去海岸公園看海邊的地形和揀貝殼，然後再去海水浴場去耍水，大家厚日頭晒毠紅紅紅，阮阿爸最後帶阮歸家伙仔去食尚青擱好食的海產。
阮在旗津耍得真久，下午四、五點的時陣，阮就擱坐船仔離開旗津了。到了碼頭下船了後，等阿爸開車載阮轉來厝，已經是夜晚阿！這遍的旅遊雖然是真熱真累，但是是乎我感覺上快樂ㄝ代誌，因為我終於體會坐船仔是什麼滋味，也知影台灣島以外還擱有最多的小島。
五、風颱天 劉千禎老師
台灣是一个美麗兮寶島，四周圍攏是海，氣候溫暖又多雨，不過在熱天和秋天兮時陣，時常有風颱來襲，不管是防颱準備或是災後兮整理工作，常使得人們忙得大粒汗細粒汗，但這也是無法度避免兮天災。
想起風颱來兮時陣，燒燒風陣陣吹，天頂烏雲罩霧，天暗暗，風透透，雷公si na，吼人心驚惶，外頭又下雨又打雷，窗仔門也被風吹得ki kai ki kai，囡仔驚ka躲在棉被裡pi pi剉，整瞑都睡未去。阮阿公曾說過：「風颱做了無回南，十日九日澹。歸日chap chap 滴；四界siunn siunn 心裡足沃齰」。隔天透早起床，庭院到處都是被風吹落兮樹葉，而且外頭擱下著大雨，打開電視看到兮都是亂七八糟兮環境，擱有各地兮災情報導。大人關心災情，阿囡仔關心兮是會放風颱假無，對囡仔來說這是一個意外兮假期，但是對農人來說風颱是無情兮殺手，伊破壞農作物，害農民兮收成不好。
逐遍放颱風假兮時陣，哪裡都不能去，只能乖乖兮待在家裡，閒閒沒代誌做，我常常望著窗外看，風呼呼叫，雨陣陣落，心肝頭結歸丸，雨點滴滴答答兮落下，樹葉窸窸窣窣兮響。自細漢我着真甲意耍水，所以落雨天是我上甲意兮日子，等風雨小陣時，我就舉一支雨傘站在大雨中輪雨傘花，那是我感覺上界趣味兮代誌，尤其是風颱天落甲做大水，阮兜兮門口埕續兮變做游泳池，好運兮時陣，擱會當看到魚仔在積水兮門口埕游來游去，那是平常時攏抵袂着兮代誌。
風颱天──使人感到恐怖兮風颱天，聽阿嬤講，雨水是天公伯啊賜給咱兮仙水，咱着愛珍惜，哪無！天公伯啊會生氣，落一下相多，就尬著大風透來，不只是阮兮門口埕會做大水，連厝邊頭尾攏會予大水淹淹去。有閒兮時陣，我也會常常燒香跟天公伯阿講，天公伯啊請你着袂生氣，雨嘛毋通落相濟ㄗㄟ，才袂做水災，無通造成大災難。