八月十五(作者／林心智)
八月十五是中秋，
八月十五看月娘，
月娘圓圓若大餅，
月娘光光照山嶺。
阿財天頂跋落來(傳統念謠)
阿財，阿財，天頂跋落來。
跋一下真厲害，真厲害。
有目睭，無目眉，
有喙鬚，無下頦。
有腹肚，無肚臍，
你講奇怪無奇怪。
真奇怪，真奇怪。
ABC狗咬豬(傳統念謠)
ABC狗咬豬，
阿公仔坐飛機，
摔一下冷吱吱，
叫醫生來共伊醫，
醫一下跤骨大細肢，
醫一下跤骨大細肢。
拭桌仔(李俐思)
黏黐黐，黏黐黐，
緊共桌布提來拭；
金爍爍，金爍爍，
桌仔拭甲足清氣。
畫圖紙(李鳳)
畫圖紙頂面畫貓咪，
目睭圓圓真古錐，
畫圖紙大大張，
你想欲畫啥物？
過年(林心智)
舊曆新正時，
作伙來過年。
逐家真歡喜，
全家大團圓。
-----------------------------------------------------------------------
一放雞(傳統念謠)
一放雞，二放鴨，三分開，四相疊，五搭胸，
六拍手，七圍牆，八摸鼻，九搝耳，十抾起。
食好料(李俐思)
煎卵包，炊肉包，阿母煮麵摻豆包，
燒鼎閣有炒塗豆，捀碗來貯，食了了。
紅龜粿(林心智)
紅紅秫米粿，囥佇桌頂尾，
囡仔四界揣，愛食紅龜粿。