106本土語言教材

106上

來學校(節錄自侑巧文化)

一兩三，穿新衫，

四五六，冊愛讀，

七八九，毋通吼，

歡歡喜喜來學校。

中秋節

中秋暝，月娘圓，

家家戶戶慶團圓，

月餅好食芳擱甜，

柚仔酸甜好滋味。

落雨天(節錄自侑巧文化)

落雨天，真趣味，

舉雨傘，穿雨衣，

冊包揹踮尻脊後，

寬寬仔行，到學校。

阮兜的人(節錄自侑巧文化)

阿母煮飯我洗菜，

阿爸種花我尚愛，

阿姐彈琴我唱歌，

阿兄泅水尚厲害。

食果子(節錄自侑巧文化)

食菝仔，放銃子，

食柚仔，放蝦米，

食龍眼，放木耳，

食著甘蔗斷喙齒。

豆花(節錄自侑巧文化)

豆花捙倒擔，

一碗二角半，

囡仔兄緊來看，

看甲流喙瀾。

歡喜聖誕節(王金選作詞)

北風呼呼吹，啥人對遮過，

聖誕老阿伯，禮物揹一大袋；

也有運動鞋，也有尪仔冊，

也有糖仔佮番麥，實在有夠濟。

緊來提，緊來提，一人有一個；

樓頂樓跤厝邊頭尾，逐家歡喜做伙，

也唱歌，也泡茶，也有講笑詼；

上重要的著愛感謝~~~聖誕老阿伯。

逐家恭喜(節錄自侑巧文化)

正月初一早早起，

逐家恭喜笑微微，

平平安安事事如意，

快快樂樂過新年。

真愛睏(作者/李俐思)

日頭落山，風微微，

小弟覆佇窗仔邊，

目睭微微，喙開開，

佇遐咧哈唏。

阿姑去買布(作者/王金選)

阿姑、阿姑去買布，

紅布欲做衫，

青布欲做褲，

賰的車車的做桌布！

熱天(作者/李鳳)

熱天的下晡，

親像大烘爐。

阮穿短衫佮短褲，

嘛是熱甲走無路！