Esku-hartzea

KIVA taldearen osaketa

KIVa taldea hiru kideek osatuko dute:

• LHko erreferenteak: Enara Uranga eta Oihana Kortajarena

• DBHko erreferentea: Belen Murua

KIVa taldearen funtzioak

KIVa taldeak ondorengo funtzio edo zereginak izango ditu:

• Ikastolen Elkarteko KIVa mintegietan parte hartu.

• Ikasturte hasieran, ikasmaila bakoitzari KIVa saioen plangintza eta baloraziorako erregistroak banatu.

• Ikasturte hasieran, KIVa programan sartzen diren ikasle berrien gurasoentzako eskutitza prestatu.

• Ikasturte hasieran, maila edo gelako guraso bilera orokorretan KIVa Taldearen eskuhartze prozedurak gogora arazteko oharra prestatu.

• Ikasturte hasieran, KIVa eguna antolatu.

• Ikastolen Elkarteko KIVa galdetegien emaitzak aztertu, ondorioak atera eta dagokion organoari komunikatu.

• Ikastola barruan, harremanen kalitatea neurtzeko galdetegiak bideratu, zuzendu eta interpretatu barne diagnostiko bezala, eta beharrezkoa denean, bizikidetza arduradunarekin, inplikatutako tutore edo tutoreekin eta zuzendaritza taldeko kideekin lankidetzan aritu.

• Berdinen arteko tratu txarren susmo txikienaren aurrean edonork egindako jakinarazpearen aurrean (irakasle, tutore, ikasle, guraso, ...) baheketa prozesua martxan jarri eta Eusko Jaurlaritzako protokoloa abiatu zuzendaritza taldearekin lankidetzan arituz.

• Berdinen arteko tratu txarrak gertatzen ari direla baloratutako kasuetan, KIVa talde bezala esku-hartu aurka ez egiteko metodoa erabiliz, beharrezkoak diren inprimakiak osatu, Eusko Jaurlaritzako protokoloa jarraitu eta kasuen jarraipena egin zuzen bideratzen direla bermatuz.

• Ikasturtean zehar KIVa programaren saioen jarraipena egin inplementazio maila egokia bideratuz.

• Ikasturte bukaeran, Ikastolen Elkarteko balorazio galdetegiak bideratu eta bete.

• Ikasturte bukaeran, ikasturte berrirako beharrezkoak diren material eskaerak egin.

•  ...

EKINTZA ZEHATZAK (bullying kasua dagoenean)

• KIVA taldeak esku-hartu behar du, ikasgelatik kanpo.

• KIVA taldeko kideek formakuntza zehatza jasotzen dute: teoria, metodoak (konfrontazioarekin edo konfrontazio gabe), praktikan nola jarri, jazarpeneko erasotzaile eta erasotuarekin elkarrizketak nola egin, gatazka eta erasoa desberdintzen trebatzeko, gurasoekin nola egin kontaktua, …

• Gida liburuan bullying-ari aurre nola egin zehatz mehatz azaltzen da KIVA taldeari laguntzeko.

• Hiru partaidez osatua egotea komeni. Astero biltzea komeni (60 min) eguneratzeko, zerbait gertatu bada informazioa trukatzeko, prebentziorako bilerak, …

• Kasuaren zenbat eta jarraipen zehatzago egin, orduan eta hartutako akordioak errazago beteko dira. Erasotuarekin ere hitz egiten da benetan aldaketak gertatzen diren ala ez ikusteko.