Lai wa sai 2008-2009 daram hta, Admin (AhDung) hku nna ganghku shiga Media hte seng ai Internet Online Networking ni hpe hkaja sa wa ai shaloi, Gmail/Gtalk/VZO ni hpe shawng ningnan jai lang hpang wa ai. dai aten hta "WUNPAWNG ZUPRA" ngu ai Google blog "blogspot.com" langai mi de sa du shang yu byin ai. manaw manang ni law law hte mung hku hkau sa wa lu ai.

dai "Google Blog" mying hpe myit dum shingran ai majaw , ya na zawn "WUNPAWNG ZUPRA" "Google site" hpe matut nna galaw dat ai lam rai nga ai.

maga mi de gaw, 👉 "Kachin Music & Copyright" Gabaw npu hta, "© Copyright Law" ngu ai hte seng nna__________

• chye taw sai ni,

• n chye shi ai ni,

• manu shadan nga sai ni,

• chye tim n chye ai zawn yup masu nga ai ni

• n chye tim grai chye ai zawn galaw taw ai (😅 ngai zawn re masha ni..hehe)

myit rum manaw manang ni hte hkrum zup wa nna, lawu na Gasan ni hpe mung mahtai kaja lu wa hkra bawngban jahkrum sa wa mayu ai majaw mung rai nga ai.

😭 Ngai n lu htai ai (sh) n chye na ai (sh) mahtai kaja n lu ai Gasan ni

1. © Copyright Law ngu gaw hpa rai ta?

2. Kachin ni hte © Copyright Law gaw galoi aten mi she matut mahkai let tatut magam bungli galaw wa mai na kun?

3. Kachin ni hte © Copyright Law gaw gara hku mung matut mahkai n mai mat sai i? (Copyright tara , kachin ni kaw n ra shi ai i)

4. © Copyright Law hpe Kachin ni gara hku mu mada nna jai lang nga sai kun?

5. © Copyright Law gaw kaning re ai lam ni a majaw Kachin ni hte n mai seng taw ai kun? kadai ni wa pat hkum nga ai kun?

6. © Copyright Lawn nga ai Kachin Music & Video ni a shawnglam gaw myit tsang hpa i? a rawng la hpa i? kabu hpa i? yawn hpa i? gara hku kun? _______________

dai zawn "Title" Gabaw ni law law hpe Online Social Media ntsa bawngban sa wa nna, Yungwi ninghkring hpu shawng hpu ba ni , myit rum manaw manang ni hte mung hkrum zup let....

Jinghpaw Yungwi Nsen hte Mahkawn (Kachin Music Song) ni hpe tsaw ra ai ni yawng gaw mungkan shinggyim masha ni galaw da ai, jahkrat tawn da ai © Copyright Law hte seng ai lam ni hpe mung hkan nang hkan sa lu yang grai mai kaja ai Jinghpaw Wunpawng Yungwi Music ni pru wa mai ai lam hpe myit dum shingran let,

anhte © Copyright Law hpe chye na sai ni, tsaw ra hkungga manu shadan kam ai ni hku nna matut nna shanglawm sa wa lu mu ga ngu nna yaw shada let, "monitor" langai hku woi awn galaw dat ai hku re law.

Chyeju kaba sai!

music is answer, what is question!

Admin (Ah Dung)

လွန်ခဲ့တဲ့ ၂၀၀၈-၂၀၀၉ ခန့် တွင် အင်တာနက် အွန်လိုင်း နှင့်ပတ်သက်၍ ‌ပထမဆုံး စတင်အသုံးပြုလာသည့်အခါ "ဝန်ပေါင်ဇွပ်ရာ" ဟု အမည်တခုဖြင့် အင်တာနက် စာမျက်နှာတခု ရှာဖွေတွေ့ရှိခဲ့ဖူးသည်။

(ဆက်ရန်)