Guía didáctica

Esta Webquest está elaborada para o alumnado de 3º e 4º de Educación Primaria. Nela preséntanse os diferentes elementos que configuran o Sistema Solar e o Universo, así como as súas características e curiosidades. O produto final consiste na elaboración por parte do alumnado dun folleto turístico, mediante os recursos e as actividades que se lles propoñen.

Os e as estudantes deberán formar grupos equilibrados de cinco persoas e repartirse entre eles e elasas diferentes actividades que se especifican no apartado de proceso.

O tema tratado enmárcase dentro do Bloque 2. O mundo no que vivimos da materia de Ciencias Sociais.

Cómpre ter en conta que os alumnos e alumnas que fagan esta Webquest deben ter coñecementos básicos sobre a utlización de recursos TIC e dos contidos previos a este tema.

Nivel académico e curso ao que vai dirixida: 3º e 4º de Educación Primaria.

Materia na que se pode encadrar: Ciencias Sociais.

Duración estimada: 6/7 sesións de 1 hora cada unha.

TEMPORALIZACIÓN

Sesións 1 e 2: presentación do proxecto a realizar por parte do porfesor ou profesora e busca e selección da información necesaria.

Sesións 3, 4 e 5: realización das actividades correspondentes a cada alumno/a e elaboración da tarefa final.

Sesións 6 e 7: exposición oral dos traballos.

RECURSOS

Os recursos necesarios para levar a cabo o proxecto son:

• Un ordenador para cada un/unha.

• Conexión a Internet.

• Proxector para presentar os traballos na aula.

CONTIDOS

Contidos traballados na Webquest:

• Distincións existentes entre planetas rochosos e gasosos

• Características propias de cada planeta do Sistema Solar

• Estudo sobre os movementos da Terra

• Estudo breve sobre Plutón

• Definicións de algúns dos distintos compoñentes do Universo

OBXECTIVOS

Os obxectivos que pretendemos acadar son de 2 tipos:

• Os obxectivos curriculares:

• h) Coñecer os aspectos fundamentais das ciencias da natureza, as ciencias sociais, a xeografía, a historia e a cultura, con especial atención aos relacionados e vinculados con Galicia.

• e) Coñecer e utilizar de maneira apropiada a lingua galega e a lingua castelá, e desenvolver hábitos de lectura en ambas linguas.

• En canto aos obxectivos que pretendemos acadar coa unidade didáctica:

• Aprender a utilizar as ferramentas TIC adecuadamente.

• Aprender a sintetizar e a analizar a información.

• Aprender a colaborar e a traballar en equipo.

• Aprender a contrastar información de varios sitios web.

• Aprender a facer conclusións propias do aprendido.

• Fomentar a creatividade e orixinalidade.

COMPETENCIAS BÁSICAS

En relación ás competencias básicas, trabállanse estas tres:

a) Comunicación lingüística (CCL): fomentar a comprensión lectora, mellorar a búsqueda e selección da información e adquirir unha boa redacción e expresión.

b) Competencia matemática y competencias básicas en ciencia y tecnología (CMCT).

c) Competencia digital (CD): utilizar Internet e as súas plataformas para obter información, comunicarse e aprender.

Autoría: Cristina Diz Castro, Marta Fernández Iglesias e Eva González Méndez.

Blog: https://tecmecb2.blogspot.com/

e-mail: tecmecb2@gmail.com