PROCESO
Debedes ter presente que da investigación que fagades para a realización da noticia, vai a depender a influencia da concienciación na poboación, sendo preciso coñecer o tema dunha forma máis detallada.
Tedes que aprender a traballar en equipo, e cada un e unha desde un determinado rol, debe aportar información para a elaboración do traballo final.
Neste caso, no grupo debe haber un/unha garda forestal profesional en incendios, un/unha experta en deforestación, un/unha inspectora de vertidos de efluentes industriais e un/unha protectora de especies autóctonas.
A vosa misión recae na investigación do tema segundo o rol elixido ou asignado, debatendo en grupo os datos conseguidos, aportando ideas que aumenten a calidade do produto final.
1º Paso: Traballo en grupo.
Como na actualidade non hai ningunha parte do planeta que exista un ecosistema no que a actividade humana non derivou en axentes contaminantes.
Que sabedes sobre as consecuencias do ser humano na biodiversidade dos ecosistemas?
INFORMACIÓN DE TIPO XERAL.
1- Primeiro de todo, tedes que contestar as preguntas plantexadas e completar as dúas primeiras cuestións cadro que aparece en Aproximación ao deterioro dos ecosistemas.
2- A continuación, lede este fragmento Contaminación ambiental e neste vídeo Os problemas dos ecosistemas, co fin de profundizar no tema que se está a tratar. Posteriormente, contrastade resultados por se non coincidides e comparade o escrito, volvendo a ler para decidir se é preciso cambiar algo do que puxestes.
Ademais, se hai algunha dúbida sobre a temática, cabe expresala porque os ecosistemas deben ser comprendidos, para poder comezar a asignar roles.
3- Despois de ter debatido e feito as actividades inseridas no bloque de Información de tipo xeral, debedes ler os roles que se especifican no 2º Paso, de modo que entendan o obxectivo das actividades e de que tratan, así como decidir que rol vai a ter cada un/unha. Traballaredes cos fragmentos aportados, responder preguntas e ser capaces de procesar información, interpretándoa e elaborar un discurso coherente e adecuado con ela.
Roles:
Garda forestal experto/a en deforestación.
Inspector/a de vertidos contaminantes.
Especialista en sobreexplotanción.
Protector/a de da extinción animal.
2º Paso: TRABALLO INDIVIDUAL ATENDENDO AO ROL.
Rol 1: Garda forestal experto/a en deforestación.
Como garda forestal, a túa misión é preocuparte polo proceso de deforestación (tala e incendios, principalmente), e para conseguir cumprir ese propósito, tes que establecer pautas que seguir para non provocar un incendio accidental e concienciar sobre a tala e a erosión, así como informar das terribles consecuencias destes no medio.
Polo tanto, desde esta perspectiva, o obxectivo básico é comprender se os incendios, a tala e a erosión poden ser diminuídas mediante medidas de control axustadas á problemática de hoxe en día co entorno natural.
Entra nas actividades para obter información e así traballala, tendo en mente os propósitos da investigación.
Rol 2: Inspector/a de vertidos contaminantes.
Agora, como inspector/a de vertidos contaminantes que es, debes concentrarte nos maiores produtores de vertidos, que probablemente sexan as persoas e as fábricas e centrais de enerxía e tendo en mente isto, tes que establecer unha serie de medidas para reducir o número de vertidos, paliando así a contaminación xerada ao igual que tes que informar das consecuencias deste tipo de contaminación nos ecosistemas.
Entón, desde ese punto de vista, o obxectivo principal é comprender se os vertidos contaminantes poden ser reducidos grazas a medidas de control adecuadas aos problemas que existen actualmente co ambiente natural.
Contaminación dos ecosistemas mariños.
A importancia de previr: a contaminación mariña.
A continuación, realiza as actividades para conseguir información e aprender a manipulala, pensando no tipo de datos a recoller para a investigación.
Rol 3: Especialista en sobreexplotanción.
Como especialista en sobreexplotación, debes focalizarte nesas actividades humanas que desgastan os seres vivos, como é o caso da pesca ou a caza furtivas ou en cantidades maiores ás que son recomendables, non permitindo o correcto funcionamento do desenvolvemento das especies. A partir de esta base, tes que encargarte de propor un conxunto de medidas para disminuir a sobreexplotación e así, axudar aos seres vivos a recuperar o seu ciclo á vez que tes que informar sobre os resultados destas actividades no entorno natural.
Polo tanto, desde esta perspectiva, o obxectivo principal é comprender se as actividades de sobreexplotación poden ser paliadas mediante medidas de control axeitadas aos problemas que presentan os ecosistemas hoxe en día.
Sobreexplotación e contaminación do solo.
Entra nas actividades co fin de obter información e traballala, tendo presente as metas a conseguir na investigación.
Rol 4: Protector/a de da extinción animal.
Como protector/a de da extinción animal, a túa misión é preocuparte polo proceso de extinción animal, como é o caso da introdución de especies estranxeiras e para conseguir ese propósito, debes establecer pautas que seguir para evitar a desaparición das especies e concienciar sobre o perigo que supón a perda de animais no medio natural.
Polo tanto, desde esta perspectiva, o principal obxectivo é comprender se a extinción animal pode ser reducida a través de medidas de control axustadas á problemática actual co entorno natural.
Animais en proceso de extinción.
Realizando as actividades, pódese obter información, a cal, se traballará tendo en mente os propósitos da investigación.
3º Paso: Posta en común.
Debatede sobre os temas, chegando a un acordo.
Benvidos/as á reunión de Expertos/as!
Xa sabedes que a misión é a realización dunha noticia grazas á información recollida na investigación, que será de gran axuda á hora de concienciar á poboación sobre a pegada humana nos ecosistemas, explicando medidas que poderían axudar a previr a desaparición de especies e reducir a contaminación para paliar os seus efectos.
Este comité composto por vos, expertos e expertas que terá que discutir tendo en conta as diferentes perspectivas e ideas que poida aportar cada integrante do grupo, así como transmitir as dúbidas e inquietudes que poidan xurdir respecto aos ecosistemas.
Os aspectos que deben estar presente no debate son os seguintes:
Poden ser os impactos negativos do ser humano sobre os ecosistemas evitadas mediante medidas de control e coas leis adecuadas?
Que produce os danos sobre o medio natural, cales son as súas principais consecuencias e características e medidas para a súa prevención?
Que necesita saber un cidadán ou cidadá, que non sexa un/unha especialista sobre o tema, sobre a pegada humana nos ecosistemas?
Cales deberían ser as obrigas tanto lexislativas como cidadás co seu medio natural en relación aos impactos da actividade humana sobre os ecosistemas?
Paso 1:
Co fin de alcanzar un acordo ben consensuado, é conveniente que se reúnan os/as especialistas para que realicen un borrador redactado que se presentará no informe final:
1º Representante: Garda forestal experto/a en deforestación.
2º Representante: Inspector/a de vertidos contaminantes.
3º Representante: Especialista en sobreexplotanción.
4º Representante: Protector/a de da extinción animal.
A investigación debe ser feita a partir dos datos recollidos, cada unha e unha, desde o seu rol, debe tomar partido e facer partícipes aos e as demais.
Paso 2:
Teredes que explicar as conclusións ás que habedes chegado aos compañeiros e compañeiras, escoitando aos e ás representantes dos outros roles.
Ademais, debedes chegar a un acordo sobre os problemas fundamentais que provocan desequilibrios nos ecosistemas, así como as propostas para paliar ou acabar de forma directa ou indirecta que o grupo en conxunto tedes que propor e difundir mediante a noticia de periódico.
Algúns dos temas que se poden tratar, manténdose cada un/unha dentro do seu rol e defendendo a súa perspectiva son:
- Se os impactos das actividades do ser humano deben ser controladas polo goberno, se é preciso crear novas leis ou modificar as actuais ou se hai que concienciar á poboación de realizar pequenos actos, que todos xuntos, axuden ao planeta. Debe ser un tema esencial? Por que?.
- As pegadas humanas no medio natural son un gran perigo ou non para á supervivencia dos animais, para o correcto funcionamento do planeta Terra e para a vida das persoas; cales son as súas causas e consecuencias desde o punto de vista científico. Debe ser un tema esencial? Por que?.
- Se as persoas teñen algunha responsabilidade no tema da degradación e destrución dos ecosistemas; que é ser un cidadán ou unha cidadá responsable e como poden axudar a coidar e manter limpo planeta. Debe ser un tema esencial? Por que?.
É HORA DE FACER A NOTICIA!
O grupo terá que realizar a proposta que considere a máis axeitada co fin de concienciar sobre o perigo no que se encontran os ecosistemas. Para facelo debedes escoller como queredes que sexa o deseño, para poder así confeccionar unha noticia que será publicada nalgún periódico co fin de estender os contidos tratados.
A continuación, discutiredes entre todos e todas as integrantes do grupo o título que debe aparecer na noticia, cales son os problemas atopados e as persoas partícipes no tema e despois, escolleredes cal é a mellor forma de facer chegar a mensaxe.
Decidide cal dos roles é o máis afectado polas actividades humanas no entorno natural e se algún de todos tena responsabilidade de solventar a situación.
Expoñede os vosos puntos de vista e escoitade aos compañeiros e compañeiras, debatendo sobre os deberes que ten cada rol e chegando a conclusións en grupo.
Para realizar a noticia de periódico, é moi boa opción Editafácil, unha páxina web fácil de usar para nenos e nenas que permite aos seus e súas usuarias compartir noticias e acontecementos con rapidez. Ademais, pódense incorporar vídeos que se atopen en YouTube ou Vimeo. De todas formas, podedes escoller calquera outra alternativa.
Contamos con que fagades un traballo excelente!