Plata yvyguy

Pláta yvyguy ndajeko oñeñotỹypy raka'e yma Gérra Guasúramo guare, pono oñentrega umi kamba ou va'ekue ñanerundívope. Ivaipaitémaramo la pórte ndaje, ombyaty aty lomitãpéicha oguerekomíva, oroguiguáva guive, kuãirũ, ka' ygua, kadéna, vombilla, kuchára hamba'e, omoingepa mba'yrúpe ha oñotỹyvyguýpe.

Ha upei, ohasa rire la ñorairo, heta oĩnoguenohẽveimava la hemiñotỹngue ha upevakue opyta herakuãopárupi la pláta yvyguy, ha avei ojeheka ko'ãgaite peve. Heta ningo káso oñemombe'úva pláta yvyguy rehegua. Upéva ndaje la pe iñotỹhare omanóramo oguenohẽve'ỹre la plata, ndojesalvái. Ha upévare Ñandejára ombou jey chupe yvy ári ome'ẽhagua la hemiñongatu peteĩha'e ome'ẽsehape; upéicharamo mante ipiro'ýta opytávo. Ha upévagui ndaje la plata oĩhápe, ipóra katuete, pe ijarakue oñeñanduka la ñande jaikovévape, oheka oikóvo mávapepa ome'ẽta. Ojuhu vove la ome'ẽseha ndaje, ojehechauka chupe opáichavo, ipáype térãiképe, ha upéichape oisambyhy chupe la pláta oĩhaite peve. Okýta hamba'eramo ndaje, la pláta yvyguy jere rehe ñahendu soldádo pyambu, hasẽva, hendýva, oñoha'ãva, sapukái ha sororo. La yma gérraramo guare oiko va'ekue, ñahendupaite jevy. Ha umíva ndaje la pláta járante ojapo, ojuhúgui la ha'e ome'ẽsehánte.

Upévagui, la umi mba'e ohendúva, ndokyhyjéi va'erã. Oho va'erãomombe'u pa'ípe, ha péva he'i va'erãichupe mba'épa ikatu ojapoka la ánimare, péicha mísa, ñembo'e térãnovéna.

Umícha mba'e porãojejapoka rire la ánimare ndaje, opaite la póra, ha la pe ijararãohóntema oguenohẽla imba'erã.