For at alle skal ha det bra på konferansen og oppleve arrangementet som eit trygt fellesskap, har vi nokre reglar som gjeld for alle som deltek:

• Vi oppmodar alle til å delta i heile programmet.

• Under fellesprogrammet unngår vi bruk av mobil.

• Ingen reiser frå arrangementet utan etter avtale med sin leiar.

• Det er ikkje lov å gå inn til byen/andre butikkar enn matbutikk under festivalen utan avtale med sin leiar.

• Vi er hyggelege og snille med kvarandre, både med dei vi kjenner og dei vi ikkje kjenner.

• Vi rettar oss etter beskjedar som vert gjevne av arrangør og gruppeleiarar.

• Vi tek ikkje nærbilete eller filmar andre deltakarar utan aktivt samtykke frå den/dei som vert fotograferte eller filma.

• Arrangementet er røyk- og rusfritt. Energidrikk er heller ikkje lov å ta med eller nyte under arrangementet.

• Alle skal vere på hotellet innan kl. 23:00 laurdagskveld.

• Vi ønskjer eit reint og ryddig arrangement. Boss skal derfor berre kastast i bosspann.

• Vaksenleiarane som reiser med ungdom under 18 har ansvaret for dei. Bjørgvin bispedøme har ansvar for programmet og det praktiske rundt arrangementet.

• Den einskilde deltakar er ansvarleg for skadar på området som vedkomande er årsak til. Skadar skal rapporterast til arrangør umiddelbart.

• Alle har ansvar for eigne eigendelar. Ved tjuveri eller skade har Bjørgvin bispedøme ikkje erstatningsansvar.