Spurningagerð

Hvernig spurningar?

Að leiða samræður markvisst áfram er gert með því að spyrja snjallra spurninga. Spurningar þurfa að koma beint að efninu, vera nákvæmar og skýrar, en einnig stuttar, orðaðar á eðlilegu máli og höfða til þess hóps sem ætlunin er að tala til. Spurningar í átthagafræðispilinu sem nemendur búa til eru ýmist lokaðar eða opnar spurningar. Lokaðar spurningar eru hugsaðar til að rifja upp og festa í minni námsefnið sem verið er að kenna í átthagafræðinni. Opnari spurningar bjóða aftur á móti upp á einhverja kosti að velja um fyrir spilara eða túlkun sem spyrjandi getur metið með hliðsjón af þeim valkostum eða túlkunarmöguleikum sem eru í boði (Ingvar Sigurgeirsson, 1996).