kennsluleiðbeiningar

Kennarar og nemendur fara yfir hæfniviðmið tengd verkefninu. Hæfniviðmiðin eru valin úr samfélagsfræðigreinum, íslensku, upplýsingatækni og myndmennt. Nýta má þemadaga, ekki síst í átthagafræði, til að búa til átthagafræðispil um heimaslóðir, heimabæ nemenda, sveitina þeirra, landslagið, kennileiti, stofnanir, áhugavert fólk, áhugamál, menningu og/eða atvinnulíf. Spilið sem unglingarnir búa til verður svo prófað af nemendum á yngsta stigi og miðstigi grunnskóla.

Hæfniviðmið úr Aðalnámskrá grunnskóla

Nemandi geti ...

• nýtt aðferðir sem hann hefur lært til að taka virkan þátt í samvinnu, samræðum og rökræðum, tjáð skoðanir sínar með ýmsum hætti, rökstutt þær og valið þeim miðil sem hentar,

• átt góð samskipti þar sem gætt er að máli, hlustun, tillitssemi, virðingu og kurteisi (Aðalnámskrá grunnskóla, 2011).

Verkefnalýsing

Kennarar og nemendur fara yfir hæfniviðmið í íslensku. Nemendur læra að búa til hugarkort eða rifja það upp. Hugarkortið verður verkfæri nemenda til að flokka og velja helstu atriði úr lesefninu sem þeir fást við hverju sinni (Guðmundur Engilbertsson, 2013). Hugarkort er annað hvort handgert eða búið til í appi á borð við Mindomo (e.d.). Upplýsingar á íslensku um það forrit má sjá á vefsetri Snjallskólans (e.d.).

Nemendur fást við verkefnið eftir lýsingu og viðmiðum

Nemendur æfa sig að búa til hugarkort um ákveðin viðfangsefni valin af kennurum.

Vinna nemanda metin

Kennari upplýsir nemendur um stöðu þeirra með hliðsjón af hæfniviðmiðum sem unnið var með.

Matskvarði fyrir hæfniviðmið

Framúrskarandi

Hæfni náð

Á góðri leið

Þarfnast þjálfunar

Hæfni ekki náð

Hæfniviðmið

Nemandi geti …

• brugðist með rökum við upplýsingum og hugmyndum sem eru á margvíslegu formi, tekið þátt í rökræðum um viðfangsefni og rökstutt mál sitt af yfirvegun og tekið tillit til ólíkra sjónarmiða,

• kannað áreiðanleika heimilda með því að nota hand- og fræðibækur, Netið og aðrar upplýsingaveitur (Aðalnámskrá grunnskóla, 2011)

Verkefnalýsing

Kynnt er landsvæðið þar sem nemendur þurfa að afla sér upplýsinga um heimaslóðir, heimabæ, hérað, landslag, stofnanir, áhugavert fólk, menningu og/eða atvinnulíf auk efnis á þeirra áhugasviði. Nemendur eru settir í hópa eða velja sér hópfélaga. Hver hópur velur sér tiltekið eða tiltekin viðfangsefni sem unnið verður með.

Nemendur fá til afnota viðeigandi heimildir (hand- og fræðibækur, tímarit, netbjargir) eða leita sjálfir uppi efni og upplýsingar á Netinu. Þeir byrja á að búa til nýtt hugarkort um efnið sem þeim er ætlað að fást við. Verkefni þeirra felst í að búa til vel mótaðar og valdar spurningar um það efni. Æskilegt er að hver hópur búi til 5 til 10 spurningar.

Nemandi fæst við verkefnið eftir lýsingu og viðmiðum.

Nemendur glíma við verkefnið með aðstoð kennarans.

Vinna nemanda metin

Kennarinn metur vinnu nemenda með hliðsjón af hæfniviðmiðum sem unnið er með í verkefninu og upplýsir nemendur um stöðu þeirra í því ljósi.

Matskvarði fyrir hæfniviðmið

Framúrskarandi

Hæfni náð

Á góðri leið

Þarfnast þjálfunar

Hæfni ekki náð

Hæfniviðmið

Nemandi geti ...

• nýtt fjölbreytta miðla og hjálpartæki á ábyrgan hátt við að leita upplýsinga og til stuðnings í námi sínu,

• notað sjálfstætt og í samvinnu með öðrum fjölbreytta miðla við skipulag, nýsköpun og þróun og framsetningu upplýsinga og hugmynda (Aðalnámskrá grunnskóla, 2011)

Verkefnalýsing

Kennarar og nemendur fara yfir hæfniviðmið í upplýsingatækni. Skoðuð er síða teikniforritsins Vectr (e.d.) á slóðinni https://vectr.com/ og farið yfir grunn í grafískri hönnun. Nánar leiðbeiningar á íslensku eru hér á Vectr síðunni.

Nemendur hanna vörumerki og spilaspjöld.

Nemendur fást við verkefnið eftir lýsingu og viðmiðum.

Nemendur læra á forritið Vectr. Síðan vinna nemendur í forritinu til að búa til vörumerki fyrir spilið og spilaspjöldin. Spurningar þeirra verða notaðar á spilaspjöldin.

Vinna nemanda metin

Kennari upplýsir nemendur um stöðu þeirra með hliðsjón af hæfniviðmiðum sem unnið var með.

Matskvarði fyrir hæfniviðmið

Framúrskarandi

Hæfni náð

Á góðri leið

Þarfnast þjálfunar

Hæfni ekki náð

Hæfniviðmið

Nemandi geti ...

• gert grein fyrir margvíslegum tilgangi myndlistar og hönnunar og sett hann í persónulegt, menningarlegt og sögulegt samhengi (Aðalnámskrá grunnskóla, 2011)

Verkefnalýsing

Nemendur fá tilsögn í þrívíddarhönnun í forriti á borð við Tinkercad (e.d.) og geta haft stuðning af kennsluefni á vefsetri framleiðanda á slóðinni https://www.tinkercad.com/learn.

Nemendur hanna til spilapeð og prenta þau út í þrívíddarprentaranum.

Nemendur fást við verkefnið eftir lýsingu og viðmiðum.

Nemendur læra á forritið Tinkercad. Síðan vinna nemendur í forritinu til að búa til spilapeð.

Vinna nemanda metin

Kennari upplýsir nemendur um stöðu þeirra með hliðsjón af hæfniviðmiðum sem unnið var með.

Matskvarði fyrir hæfniviðmið

Framúrskarandi

Hæfni náð

Á góðri leið

Þarfnast þjálfunar

Hæfni ekki náð