血肉果汁機-天崩大事件

WARNING

平行空間五行元素負面精神糞埽場

pînn-hîng khong-kan gōo-hîng guân-sòo hū-bīn tsing-sîn pùn-sò-tiûnn

已經去予起動

í-king khì hōo khí-tāng

(亻因)所驚的一切

in sóo kiann--ê it-tshè

就是吾的力量

tō sī ngôo ê li̍k-liōng

阮拍開

guán phah khui

阮開創

guán khai-tshòng

禁忌的第六平行空間

kìm-khī--ê tē la̍k pînn-hîng khong-kan

思想吾限制

su-sióng, ngôo hān-tsè

源場吾崁咧

guân-tshiâng, ngôo khàm--leh

輪迴吾硩牢咧

lûn-huê, ngôo teh tiâu--leh

美麗的新世界

bí-lē--ê sin sè-kài

真的天堂地府恁永遠去袂到

tsin--ê thian-tông tuē-hú lín íng-uán khì buē kàu

操控性命運作真正PIECE OF CAKE

tshau-khòng sìnn-miā ūn-tsok tsin-tsiànn PIECE OF CAKE

你若放下屠刀

lí nā pàng hā tôo-to

馬上做仙

má-siōng tsò sián

講到是做會到

kóng kàu sī tsò ē kàu

越頭咧猶未傷晏

ua̍t-thâu teh iáu-bē siong uànn

歹念是擋袂久

pháinn-liām sī tòng buē kú

有神緊拜

ū sîn kín pài

喂恁到底咧舞啥物

uê, lín, tàu-tué teh bú siánn-mih

我猜恁毋知影

guá tshai lín m̄ tsai-iánn

攑頭三尺有神明

gia̍h-thâu sann tshioh ū sîn-bîng

拄才恁媽有敲來揣你

tú-tsiah lín ma ū khà lâi tshuē lí

講你這箍

kóng lí tsit khoo

遮暗哪會閣無轉去

tsiah àm ná ē koh bô tńg--khì

這苦勸這善良

tse khóo-khǹg, tse siān-liông

閣有誠濟正面的意義

koh ū tsiânn tsè tsiànn-bīn--ê ì-gī

不過吾乃遮的神

put-kò ngôo nái tsiah ê sîn

這慈悲毋是阮的性

tse tsû-pi m̄-sī guán ê sìng

你有一條選路

lí ū tsi̍t tiâu suán lōo

你只有一條死路

lí tsí-ū tsi̍t tiâu sí lōo

聽講恁朋友已經魂飛魄散

thiann-kóng lín pîng-iú í-king hûn-hue-phik-suànn

戇人的性命真正PIECE OF SHIT

gōng-lâng ê sìnn-miā tsin-tsiànn PIECE OF SHIT

天生萬物就為著欲服侍人

thinn sinn bān-bu̍t tō uī tio̍h beh ho̍k-sāi lâng

恁無感謝煞欲來討我的命

lín bô kám-siā suah beh-lâi thó guá ê miā

吾召喚萬萬魔神

ngôo tiàu-huàn bān-bān môo-sîn

封鎖對外的感應

hong-só tuì guā--ê kám-ìn

今日欲𤆬我轉去

kim ji̍t beh tshuā guá tńg--khì

除非有神咧幫恁

tû-hui ū sîn teh pang lín

你知毋知家己心態無正

lí tsai m̄ tsai ka-kī sim-thài bô tsìng

一世人攏無正經

tsi̍t-sì-lâng lóng bô tsìng-king

惡意刣人有罪

ok-ì thâi-lâng, ū tsuē

欺騙感情有罪

khi-phiàn kám-tsîng, ū tsuē

愛講白賊有罪

ài kóng pe̍h-tsha̍t, ū tsuē

破壞自由有罪

phò-huāi tsū-iû, ū tsuē

對阮來講你只是囡仔

tuì guán lâi kóng lí tsí-sī gín-á

應當會當原諒

ìn-tong ē-tàng guân-liōng

對天來講你一時想無

tuì thinn lâi kóng lí tsi̍t-sî siūnn-bô

無細膩行入歪路

bô-sè-jī kiânn ji̍p uai lōo

(亻因)講你惡人

in kóng lí ok-lâng

無歡迎你四界行

bô huan-gîng lí sì-kè kiânn

阮的大門已經為你來開

guán ê tuā-mn̂g í-king uī lí lâi khui

有請七爺八爺來啊

iú tshiánn tshit-iâ peh-iâ lâi--ah

落去

lo̍h-khì

你日時莫做歹代誌

lí ji̍t--sî mài tsò pháinn tāi-tsì

暗時袂有惡夢揣你

àm-sî buē ū ok-bāng tshuē lí

落去

lo̍h-khì

你當時會當出來

lí tang-sî ē-tàng tshut-lâi

攏愛聽天由命

lóng ài thing-thian-iû-miā

免驚我會去揣恁老爸

bián-kiann guá ē khì tshuē lín lāu-pē

共你掛保證

kā lí kuà-pó-tsìng

揣著上好的律師

tshuē tio̍h siōng hó--ê lu̍t-su

落去毋是欲共你處罰

lo̍h-khì m̄-sī beh kā lí tshú-hua̍t

是欲永遠予你知影你捌落去過

sī beh íng-uán hōo lí tsai-iánn lí bat lo̍h-khì kuè

吾使用魔神寄生

ngôo sú-iōng môo-sîn kià-sinn

在我離開進前

tsāi guá lī-khui tsìn-tsîng

有一項大禮欲送予恁

ū tsi̍t hāng tuā lé beh sàng hōo lín

吾將我精神拆開

ngôo tsiòng guá tsing-sîn thiah-khui

在我離開進前

tsāi guá lī-khui tsìn-tsîng

各位英雄有緣就再會啦

kok-uī ing-hiông ū-iân tō tsài-huē--lah

心開人媠

sim, khui, lâng, suí

請天𤆬阮行

tshiánn thinn tshuā guán kiânn

阮佇佗位

guán tī tó-uī

心吊在空中

sim tiàu tsāi khong-tiong

人無元氣

lâng bô guân-khì

泅啊泅啊泅世界

siû--ah siû--ah siû sè-kài

南無觀世音

lâm-bô-kuan-sè-im

混沌中吾靜

hūn-tūn tiòng ngôo tsīng

https://sites.google.com/view/taiwanese-hokkien/台語/台語歌詞/血肉果汁機/血肉果汁機-天崩大事件

Google Sites

Report abuse

血肉果汁機-天崩大事件

血肉果汁機-天崩大事件

台語歌曲羅馬字收錄

使用協作平台，收錄台語羅馬字歌詞。

聯絡、交流請用FB社團。