伍佰-煞到你
伍佰-煞到你
袂後悔啦袂後悔啦
buē hiō-hué--lah buē hiō-hué--lah
這擺絕對袂後悔
tsit-pái tsua̍t-tuì buē hiō-hué
婀娜的身軀風情美麗
o-nōo--ê sin-khu hong-tsîng bí-lē
溫柔的頭毛隨風咧飛
un-jiû--ê thâu-moo suî hong teh pue
哎喲喂啊哎喲喂啊
ai-iō-uê--ah ai-iō-uê--ah
鼻甲我心花開
phīnn kah guá sim-hue khui
規个心變甲荒荒廢廢
kui ê sim piàn kah hng-hng-huè-huè
一个人完全有魂無體
tsi̍t ê lâng uân-tsuân ū hûn bô thé
無人格啦無人格啦
bô jîn-keh--lah bô jîn-keh--lah
我是失去了控制
guá sī sit-khì-liáu khòng-tsè
煞著你 煞著你
sannh-tio̍h lí, sannh-tio̍h lí
無問題啦無問題啦
bô būn-tê--lah bô būn-tê--lah
這擺絕對無問題
tsit-pái tsua̍t-tuì bô būn-tê
神祕的聲音講話聳勢
sîn-pì--ê siann-im kóng-uē sáng-sè
迷人的笑容皮肉幼白
bê-lâng--ê tshiò-iông phuê bah iù pe̍h
哎喲喂啊哎喲喂啊
ai-iō-uê--ah ai-iō-uê--ah
眼著我心花開
gán-tio̍h guá sim-hue khui
我袂來對你空喙哺舌
guá buē lâi tuì lí khang-tshuì-pōo-tsi̍h
我現在所有攏總予你
guá hiān-tsāi sóo-ū lóng-tsóng hōo lí
無性地啦無性地啦
bô sìng-tē--lah bô sìng-tē--lah
欲按怎樣攏無關係
beh án-tsuánn-iūnn lóng bô kuan-hē
煞著你 煞著你
sannh-tio̍h lí, sannh-tio̍h lí
做水災啦做水災啦
tsò tsuí-tsai--lah tsò tsuí-tsai--lah
我的感情大風颱
guá ê kám-tsîng tuā hong-thai
綴著你跤步風雨那來
tuè-tio̍h lí kha-pōo hong-hōo ná lâi
看著你行路心脾開懷
khuànn-tio̍h lí kiânn-lōo sim pî khai huâi
哎喲喂啊哎喲喂啊
ai-iō-uê--ah ai-iō-uê--ah
行甲我心花開
kiânn kah guá sim-hue khui
頭前的小姐欲去佗位
thâu-tsîng--ê sió-tsiá beh khì tó-uī
你慢慢行我連鞭來去
lí bān-bān kiânn guá liâm-mi lâi-khì
小等一咧小等一咧
sió-tán tsi̍t--leh sió-tán tsi̍t--leh
全世界只愛你一个
tsuân sè-kài tsí ài lí tsi̍t ê
煞著你 煞著你 煞著你 煞著你伊伊伊伊伊伊
sannh-tio̍h lí, sannh-tio̍h lí, sannh-tio̍h lí, sannh-tio̍h líiiiiii
煞著你
sannh-tio̍h lí
https://sites.google.com/view/taiwanese-hokkien/台語/台語歌詞/伍佰/伍佰-煞到你