伍佰-空襲警報

空襲警報

khong-si̍p kíng-pò

空襲警報

khong-si̍p kíng-pò

空襲警報

khong-si̍p kíng-pò

阮阿公空襲的時早著已經跋落山跤

guán a-kong khong-si̍p ê sî tsá tio̍h í-king pua̍h-lo̍h suann-kha

阮阿媽的豬牢予伊燒甲臭火焦

guán a-má ê ti-tiâu hōo-i sio kah tshàu-hué-ta

阮阿爸上班的糖廠予伊掃甲一孔一隙

guán a-pa siōng-pan ê thn̂g-tshiúnn hōo-i sàu kah tsi̍t kháng tsi̍t khiah

做田的攏嘛走去覕佇樹仔跤

tsòe-tshân ê lóng-mā tsáu-khì bih-tī tshiū-á-kha

飛行機若來你著仆落去爛溝仔猶是塗跤

pue-lîng-ki ná lâi lí tio̍h phak-lo̍h-khì nuā kau-á á-sī thôo-kha

阮厝邊有人袂赴去予彈著跤

guán tshù-pinn ū-lâng buē-hù khì-hōo tuānn-tio̍h kha

飛行機飛來的時sńg-sńg叫是有夠大聲

pue-lîng-ki pue-lâi ê sî sńg-sńg kiò sī ū-kàu tuā-siann

你遠遠無看人是已經就知影

lí hn̄g-hn̄g bô-khuànn lâng sī í-king tō tsai-iánn

這款的代誌

tsit khuán--ê tāi-tsì

學校攏無提

ha̍k-hāu lóng bô thê

彼當陣哪遮爾神祕

hit tong tsūn ná tsiah-nī sîn-pì

聽講是美軍欲來炸台灣的日本兵仔

thiann-kóng sī bí-kun beh lâi tsà tâi-uân ê li̍t-pún ping-á

聽講咱攏總唱著日本的軍歌

thiann-kóng lán lóng-tsóng tshiùnn tio̍h li̍t-pún ê kun-kua

聽講咱著愛交出鋤頭鉸刀摻ドライバー

thiann-kóng lán tio̍h-ài kau tshut tî-thâu ka-to tsham lo͘-lài-bà

講戰爭是保護咱家己的國家

kóng tsiàn-tsing sī pó-hōo lán ka-tī ê kok-ka

這款的代誌

tsit khuán--ê tāi-tsì

學校攏無提

ha̍k-hāu lóng bô thê

彼當陣哪遮爾神祕

hit tong tsūn ná tsiah-nī sîn-pì

sng sng iô iô sng iô iô

囡仔時的ラジオ攏聽會著

gín-á sî ê la-li-o lóng thiann ē--tio̍h

對你的了解哪遮爾少

tuì lí ê liáu-kái ná tsiah-nī tsió

歷史的傷害閣有影毋是凊彩

li̍k-sú ê siong-hāi koh ū-iánn m̄-sī tshìn-tshái

自開始我攏當做是阮阿爸咧講的詼諧

tsū khai-sí guá lóng tòng-tsue sī guán a-pah leh kóng ê khue-hâi

自開始毋知影過去有遮濟的目屎

tsū khai-sí m̄ tsai-iánn kuè-khì ū tsiah tsuē ê ba̍k-sái

現此時咱是生活佇咧無仝的世界

hiān tshú-sî lán sī sing-ua̍h tī-leh bô-kāng ê sè-kài

毋知影飛行機當時會閣來

m̄ tsai-iánn pue-lîng-ki tang-sî ē koh lâi

這款的代誌

tsit khuán--ê tāi-tsì

學校攏無提

ha̍k-hāu lóng bô thê

未來嘛是非常神祕

bī-lâi mā sī hui-siông sîn-pì

伍佰

https://sites.google.com/view/taiwanese-hokkien/台語/台語歌詞/伍佰/伍佰-空襲警報

伍佰-空襲警報

伍佰-空襲警報

伍佰

台語歌曲羅馬字收錄

使用協作平台，收錄台語羅馬字歌詞。

聯絡、交流請用FB社團。