血肉果汁機-上山

師的師的

sai--ê sai--ê

阮朋友印堂發烏目睭反白

gún pîng-iú ìn-tông hua̍t oo ba̍k-tsiu huán pe̍h

規个人踅神

kui-ê lâng se̍h-sîn

閣會對空氣講話

koh ē tuì khong-khì kóng-uē

恁朋友著邪

lín pîng-iú tio̍h-siâ

這馬來猶未晏

tsit-má lâi iá-bē uànn

先來佈陣

sing lâi pòo tīn

準備作法

tsún-pī tsok-huat

你共恁爸跪落

lí kā lín-pē kuī lo̍h

五个大人無你法

gōo ê tuā-lâng bô lí huat

頭前彼尊敢捌

thâu-tsîng hit tsun kám bat

共你介紹玉皇大帝

kā lí kài-siāu gio̍k-hông-tāi-tè

正手的清香

tsiànn-tshiú ê tshing-hiunn

來提去

lâi, the̍h khì

倒手的法寶

tò-tshiú ê huat-pó

來捎去

lâi, sa khì

太歲面頂動土

thài-suè biān tíng tāng-thóo

你落去地府較解說

lí lo̍h-khì tè-hú kà kái-seh

喔鬚喔

ooh, tshiu--ooh

會當提我按怎

ē-tàng the̍h guá án-tsuánn

蹔我跤頭趺揣死呢

tsàm guá kha-thâu-u, tshuē sí--nih

你講彼痟話

lí kóng he siáu uē

我無咧信篤

guá bô leh sìn-táu

這種漚文明恁爸看若屎

tsit-tsiòng áu bûn-bîng lín-pē, khuànn nā sái

看你若屎恁爸看你若屎 (攏SHIT)

khuànn lí nā sái, lín-pē khuànn lí nā sái (lóng SHIT)

你著趕緊拜拜保庇平安 (攏SHIT)

lí tio̍h kuánn-kín pài-pài pó-pì pîng-an (lóng SHIT)

地球人袂予姦啦 (攏SHIT)

tē-kiû lâng, buē hōo kan--lah (lóng SHIT)

你頭殼歹去閣想欲共我收 (攏SHIT)

lí thâu-khak pháinn khì koh siūnn-beh kā guá siu (lóng SHIT)

無可能

bô khó-lîng

外星魔仔妖力痟強

guā-sing môo-á iau-li̍k siáu kióng

閣有絕招SUPER POWER

koh ū tsua̍t-tsiau SUPER POWER

連鞭欲讀你的心

liâm-mi beh tha̍k lí ê sim

連鞭控制你的魂

liâm-mi khòng-tsè lí ê hûn

我咧這痛苦

guá--leh, tse thòng-khóo

逐家著愛忍牢喔

ta̍k-ke tio̍h-ài jím tiâu--ooh

師的這馬隨𤆬恁脫離苦海

sai--ê tsit-má suî tshuā lín thuat-lī khóo-hái

喔無效喔

ooh, bô-hāu--ooh

你做的攏無效啦

lí tsò--ê lóng bô-hāu--lah

恁爸袂擽袂癢袂疼攏無感覺

lín-pē buē ngiau buē tsiūnn buē thiànn lóng bô kám-kak

你刣阮兄弟

lí thâi guán hiann-tī

閣侵佔月娘

koh tshim-tsiàm gue̍h-niû

算數算到地

sǹg-siàu sǹg kàu-tè

恁爸看恁若屎

lín-pē khuànn lín nā sái

一个攏袂放你煞

tsi̍t ê lóng buē pàng lí suah

喔氣魄啊

ooh, khì-phik--ah

廢話袂爽總來啦

huì-uē, buē sóng tsóng lâi--lah

天靈靈地靈靈

thian-lîng-lîng, tè-lîng-lîng

祝福逐家趁大錢

tsiok-hok ta̍k-ke thàn tuā tsînn

就算人客外星魔

tō sǹg lâng-kheh guā-sing môo

阮嘛有優待幫你超度

gún mà ū iu-thāi pang lí tshiau-tōo

這个服務敢有滿意

tsit ê ho̍k-bū kám ū muá-ì

我拍一百分

guá phah tsi̍t pah hūn

免驚阮會幫你辦一場奢颺的追思會

bián-kiann, gún ē pang lí pān tsi̍t tiûnn tshia-iānn--ê tui-su huē

一切完備請眾神仙佛祖迴向

it-tshè uân-pī, tshiánn tsìng sîn-sián pu̍t-tsóo huê-hiòng

保平安

pó pîng-an

獻花

hiàn hua

獻果

hiàn kó

請厝內人來三叩首

tshiánn tshù-lāi-lâng lâi sàm khiò-siú

哭

khàu

一人一束花

tsi̍t lâng tsi̍t sok hue

逐蕊帶思念

ta̍k luí tài su-liām

到遐會記愛敲電話

kàu hiah ē kì ài khà tiān-uē

暗時的風吹來冷吱吱

àm-sî--ê hong tshe lâi líng-ki-ki

厚的外套莫袂記

kāu--ê guā-thò mài buē kì

你愛啥就講

lí ài siánn, tō kóng

免客氣

bián kheh-khì

si-so-mi 奏樂

si-so-mi tsàu-ga̍k

https://sites.google.com/view/taiwanese-hokkien/台語/台語歌詞/血肉果汁機/血肉果汁機-上山

血肉果汁機-上山

血肉果汁機-上山

台語歌曲羅馬字收錄

使用協作平台，收錄台語羅馬字歌詞。

聯絡、交流請用FB社團。