專題作者：吳幸宜Ngôo Hīng-gî、張馨文Tiunn Hing-bûn、許珈菱Khóo Ka-lîng

作品名稱：用台語做甜路——甜路教學網站

指導教授：楊允言Iûnn Ún-giân

作品ê形式：網站、Youtube頻道

       簡單的六个字，傳達作者in三个人對台語和甜路的愛，看起來真樸實的名，毋過充滿in想欲透過甜路教台語、透過台語教甜路的心。

       講著對甜路的熱情，in絕對袂輸人！因為這份熱情，予in決定欲運用「台語」佮「甜路」，創造屬於in的好滋味。向望透過這个教學網站，發揮in的台語專業，予逐家體驗「那做甜路，那學台語」的趣味。

       有人原底對做甜路就誠熟手，有人共做甜路當做興趣，有人干焦愛食煞頇顢做。阮三个人，雖然毋是專業的甜路師傅，毋過若是講著對甜路的熱情，阮絕對袂輸人！因為這份熱情，予阮決定欲運用「台語」佮「甜路」，創造屬於阮的好滋味。

      另外，現此時濟濟的學習資源，用台語來教學卻是誠罕見，甚至連一寡基本的食材、工具的台語詞彙攏誠僫揣。阮認為，若是共台語結合甜路，毋但會當予學做甜路變甲閣較心適，嘛會當共台語自然融入日常生活，予閣較濟人有機會接觸台語。

       所致，阮向望藉這个教學網站，分享阮對甜路的熱情，發揮阮的台語專業，予逐家體驗「那做甜路，那學台語」的趣味。無論你是佮意食甜路，抑是對台語有興趣，誠心邀請你綴阮做伙用台語做甜路，用甜路學台語，予這个甜蜜的滋味，帶來閣較濟語言佮文化的感動！

       阮佇三年仔下學期確定畢業專題製作的主題了後，就隨佇彼學期做阮頭一項甜路——巧果。因為有彼改的經驗，予阮會當隨想辦法調整後壁的操作，所以後來阮改佇一工內做幾若項甜。那做甜路那翕影片，規个過程加真順利。

       阮共阮有興趣的甜路結合大學四冬學著的物件，除了學著真濟甜路相關的語詞，嘛透過錄音發現家己發音、變調的問題，書寫羅馬字的時嘛更加了解連字符的規則。

真感謝訂閱阮頻道、有看影片、留話的每一个人，對阮來講攏是一種支持和鼓勵。嘛感謝阮的指導老師——允言老師，若拄著任何問題，伊攏會提供建議佮幫贊，不時共阮鼓勵，予阮感覺誠安心。

      誠感動，阮三个人做伙共阮的作品完成矣，而且攏無冤家，是理性的溝通，因為阮知影阮的目標，攏是為著欲予作品閣較好。台語毋但是智識、是理論，伊嘛是工具、是文化、是生活，用台語做甜路，做甜路學台語，阮做甲到矣！