☁️設計理念✨

咱台灣是一个多元、友善的社會，內底有台語族群、客語族群、原住民族群，閣有新住民族群。所以，主視覺共這四種族群畫做四種動物來做代表，代表台灣是每一个族群的家！

毋但按呢，阮114級學生仔的畢業作品的內容，嘛有包括這四个族群。畢業作品委員會分別共四個族群的紹介做成身分證件，予逐家簡單熟似佮欣賞每一个族群的特色和穿插。

創作的方式是用Canva內底素材的四種動物，去重新畫動物的穿插和提的物件。嘛感謝提供穿插圖片和想法的同學、老師。

不而過，因為海報設計空間、同學主題的關係，原本只有畫兩種族群（台語族群、客語族群），但是因為愛設計這个成果網站，就共原住民族群、新住民族群畫出來矣，希望逐家佮意，嘛多謝老師和同學做伙拍拚，完成畢業作品和這个網站的設計，祝福逐家身體健康、萬事如意、平安順利～