PANGAJARAN 1
HIRUP SAUYUNAN
A. Ngaregepkeun Pupujian
1. Téks Pupujian
leu di handap aya pupujian. Ku Ibu/Bapa guru baris dinadomkeun. Bisa waé dinadomkeun ku salasaurang, siswa séjénna ngaregepkeun !
TAUHID
Hayu urang babahanan
pibekeleun di ahéra
sing loba amal-amalan
ibadah sing husu pisan
Lamun ajal waktu datang
urang moal bisa mungpang
moal bisa dihahalang
geus waktuna jadi bugang
Harta banda nu ngaleuya
urang moal bisa mawa
ngan amal anu dibawa
batur urang anu béla
Mana sobat jeung baraya
di kubur henteu maturan
umur gé henteu nambihan
nu puguh jadi karunya
Hanjakal aduh hanjakal
teu getol sadia amal
padahal geuning padahal
nu jadi bekel ngan amal
Teu guna hahanjakalan
pan teu kurang nu ngélingan
pék geura tunggu hisaban
geura jawab ku sorangan
2. Ngajawab Pananya
Sangkan leuwih paham kana eusi pupujian, pék jawab pananya ieu di handap.
Naon pibekeleun di ahérat téh?
Naon lamun datang teu bisa dipungpang?
Naon bakal béla ka urang di ahérat?
Kumaha sobat jeung baraya mun geus dikubur?
Bakal kumaha amal urang di ahérat?
3. Harti Kecap
leu di handap aya kecap tina pupujian di luhur, titénan hartina jeung larapna!
ajal = pati
Percumah lamun geus datang ajal urang tobat.
Percumah lamun geus datang pati urang tobat.
bugang = bangké
Domba anu leungit téh geus jadi bugang.
Domba anu leungit téh geus jadi bangké.
hanjakal = kaduhung
Hanjakal jajan rujak lada, jadi nyeri beuteung.
Kaduhung jajan rujak lada, jadi nyeri beuteung.
dihisab = diitung
Dina poé ahir, sagala kalakuan urang bakal dihisab.
Dina poé ahir, sagala kalakuan urang bakal diitung.
maturan = marengan
Di alam kubur, nu maturan téh amal kahadéan.
Di alam kubur, nu marengan téh amal kahadéan.
mungpang = teu nurut
Ulah mungpang kana kersana sepuh.
Ulah teu nurut kana kersana sepuh.
paur = inggis
Sok paur upami ninggal seuseukeut péso téh.
Sok inggis upami ninggal seuseukeut péso téh.
sobat = batur
Dudi téh sobat kuring.
Dudi téh batur kuring.
2. Ngajawab Pananya
Sangkan leuwih paham kana eusi pupujian, pék jawab pananya ieu di handap.
Naon pibekeleun di ahérat téh?
Naon lamun datang teu bisa dipungpang?
Naon bakal béla ka urang di ahérat?
Kumaha sobat jeung baraya mun geus dikubur?
Bakal kumaha amal urang di ahérat?