FPL - lakbay-sanaysay

Kilala ang Universal Studios sa pagbibigay ng magagandang karanasan sa mga bisita nito. Puno ng kapana-panabik at ibang-ibang uri ng mga sakayang pang libang at kamangha-manghang tanawin dito. Isa itong destinasyon na siguradong magugustuhan ng mga turista, kaya naman noong Hunyo 2019, pumunta kami ng aking pamilya dito para sa aming bakasyon.

Gumising kami nang maaga upang makuha ng fastpass para mas marami pa kaming masasakyan dahil talagang mahaba talaga ang mga pila doon. Mabilis kaming kumain ng almusal bago pumunta doon. Dahil medyo malayo ang hotel namin, may naghatid sa amin at maaga kaming nakarating. Medyo mainit ang klima sa Singapore, hindi na kailangan magsuot ng jacket o mabibigat na damit. Inirerekomenda ko na ang mga nais pumunta dito ay magdala ng sunscreen, sunglasses, at tubig.

Maraming tindahan sa Universal Studios at isa sa mga tindahan na napuntahan ko ay ang Candylicious at ang makakahanap ka dito ng maraming uri ng kendi at matamis. Napakalaki ng tindahan at napakakulay. Bumili ako ng ilang kendi dito para sa aking mga kaibigan at pamilya.

Nakasakay ako sa lahat ng rollercoaster dito dahil sa fastpass ko. Ang paborito kong ride ay ang The Revenge of the Mummy dahil sobrang mabilis at kapanapanabik ito. Sumakay din ako sa rollercoaster ng ‘Puss in Boots’ at kahit itinuturing “hindi nakakatakot” ang ride, sumigaw pa ako. After a while, pumunta kami sa isa sa mga restaurant sa “Hollywood” ng Universal Studios.

Kumain kami sa Mel's Drive in para mag meryenda. Maganda ang disenyo at ilaw ng kainang ito. Ang order ko ay ang “dino nuggets with fries” at masarap naman ito. Ang iba kong kapamilya ay nagorded ng burger at sabi nila na masarap ang lasa ngunit medyo tuyo ang pagkain.

Hindi kami nananatili hanggang gabi dahil sa pagod kaya hindi namin nakita ang mga fireworks ngunit masaya pa ang aking karanasan dito at gustong kong bumisita ulit. Hindi ako nakapagpakuha ng maraming picture o larawan sa aming pasyal dito dahil hindi ko ginamit ang aking cellphone, ngunit natutunan ko na hindi ko dapat gamitin ang aking mga gadget nang labis at tumuon sa paglilibang kasama ang aking pamilya. Sana bumisita kami ng mas maraming lugar at tindahan, ngunit kuntento na po ako sa aking karanasan. Inirerekomenda ko ang iba na pumunta dito kasama ang kanilang mga kaibigan at pamilya sapagkat napakaraming makikita at mararanasan dito.