FPL - Introduksyon at mga depenisyon

Ang Filipino sa Piling Larangan (FPL) ay isang asignatura kung saan tatalakayin ang kahalagahan at kahulugan ng pagsulat at ang mga uri nito. Mahalagang gamitin ang wikang Filipino sa kursong ito para mahasa ang kakayahan ng mga mag-aaral sa paggamit ng wikang ito sa pagsusulat at pagpapayahag ng mga ideya at kaalaman.

Ang pagsulat ay isang pambihirang gawaing pisikal at mental. Ito ay kompleks at pinapakita ang paglipat ng kaalaman sa papel. Dagdag pa, ang pagsulat ay nakakatulong sa pag-alala at pagpasa ng mga kaisipan at ideya. Mahalaga itong matutunan ng mga mag-aral upang maging bihasa sa komunikasyon at paglalahad ng nais sabihin. Ang mga importanteng elemento sa pagsulat ay ang wika, paksa, layunin, kaalaman sa wastong paraan sa pagsulat, kritikal na pag-iisip, at ang kasanayan sa paghabi ng buong sulatin.

Dyornalistik na Pagsulat - namamahayag ng napapanahong isyu
Reperensyal na Pagsulat - inirerekomenda ang mga hanguan at pinagkunan ng impormasyon
Teknikal na Pagsulat - layuning pag-aralan ang isang proyekto at lutasin ang isang problema

(hal. Maka-Pilipinong Pananaliksik)

Malikhaing Pagsulat - layuning magbigay ng aliw at makapukaw sa imahinasyon
Propersyonal na Pagsulat - tinatalakay ang isang paksa ayon sa propesyon ng tao
Akademikong Pagsulat - nagbibigay impormasyon at nagpapalawak sa kaalaman

Ang akademikong pagsulat ay isang intelektwal na pagsulat, at nakakatulong it sa pagpapalawak ng kaisipan at kaalaman ng awtor at mambabasa sa paksa. Ang akademikong pagsulat ay mahalaga dahil ito ay nakaaangat sa isang tao at ipinapakita na siya ay marunong. May layuning ito magbigay ng impormasyon at mga ideya. Kailangan din maging obhetibo at maayos ang pagsulat ng akademikong papel.

Ang paglalagom ay ang pagsalaysay muli ng isang teksto o akda. Ito ay maikli ngunit mayaman sa impormasyon, at inilalahad ang pinakadiwa ng akda. Maraming benepisyo ang paglalagom, gaya ng paghahasa sa kakayahan para magsuri at magtimbang ng impormasyon, pagpapalawak ng bokabularyo, at ang ensayo sa kakayahan sa pagsulat.

Ang sinopsis o buod ay isang uri ng paglalagom na madalas na ginagamit para sa mga textong naratibo, gaya ng mga kwento, salaysay, nobela, dula, parabula, at higit pa. Ikinukwuento and istorya sa maikli ngunit malaman na paraan, at hindi nawawala ang orihinal na tono at mensahe ng teksto.

Ang bionote ay isang personal profile at tala sa buhay ng isang tao. Ito ay nakapokus sa kanilang academic career at isinusulat sa ikatlong panauhan para manatiling obhetibo ang impormasyon. Madalas itong ginagamit para ipakilala ang sarili.

Ang posisyong papel ay isang uri ng paglalahad na nagtatakwil sa kamalian upang maihayag ang katotohanan. Naglalahad nito ng mga dahilan upang makabuo ng isang patunay na tinatanggap ng nakarami. Mahalagang maglahad nang datos at mga lohikal na obserbasyon na sumasang-ayon sa iyong opinyon at sumasalungat sa kabilang hakbang para suportahan ang iyong panig. Manatiling obhetibo para maging mas kapani-paniwala ito.

Ang lakbay-sanaysay ay isang uri ng lathalaing ang pangunahing layunin ay maitala ang nagiging karanasan sa paglalakbay. Ito ay maaaring magkaroon ng layunin para itaguyod ang isang lugar, maidokumento ang kasaysayan at kultura ng lugar, makalikha ng patnubay, at para maitala ang sariling kasanayan.

Ang replektibong sanaysay ay isang tiyak na uri ng sanaysay na may kinalaman sa introspeksyon (pagtataya ng isang idibidwal sa kanyang sariling prosesong pampag-iisip at pandamdamin). Ito ay may layuning bigyang-katwiran, ipaliwanag, at suriin ang partikular na salaysay, at kung paano naaapekto ang awtor.

Ang pictoryal na sanaysay ay isang sulatin na may mas maraming larawan kaysa salita. Dito, isinasaayos ang mga piniling larawan sa pagkakasunod-sunod na paraan upang maglahad ng isang ideya o konsepto. Maaaring maugnay ang piktoryal na sanaysay at ang lakbay-sanaysay.