5-

، حاولت ارجع ل ربنا و اصلي لعل و عسى يغفر لي ..

المهم ، اخدت شهرين في القرية(اكيد حتقولو اهلي ما سائلين فيني ، بس دا جانب تاني من القصه ) ، و جاتني رسالة من رقم مكتوب فيها : انتي وين ؟ ، استغربت دا منو ، م اشتغلت بالموضوا و اثناء قعادي في القرية ، بقيت مهتمة بموضوع الزراعه و الحاجات دذ كنت ممشية اموري..

المهم الرقم اتصل علي ، فا رديت ..

*الو

_انتي وين يا بت ( صوت راجل )

*منو معاي ؟

_طارق ، اسمعي رسلي لي العنوان

* بحاول استوعب طارق ! سكته ، و قلت ليهو انت كويس ؟

_اي حمدلله ، رسلي سرعه جاين عليكي

*مافي نت هنا الشبكة كعبة ..

_طيب وصفي لي ..

*وصفت ليهو وانا محتارة ، طارق داير شنو و خفت لو انه لسه ما اتحسن ..

المهم تاني يوم ، اهل القرية وصلوهم لحد عندي ،، انتو متخيلين جوني كلهم سمر و طارق واحمد ومحمد .. سلمو علي محمد واحمد و بعداك ، و سمر و طارق كانو واقفين بعيد ، قربت سمر ، علي قالت لي :

انا غلطته في حقك ، كنت انانيه و بفكر في نفسي و ما راعيت ليكي و لي تعلقك بي ، و جرحتك كتير ، بس ما بنكر اتعلمت منك القناعه و ان الشكل م زايو و البيدوم الجوهر ، اعفي لي ..

االعبرة خنقتني ، قلت ليها االعفو والعافية ..

طارق قالينا خلصتو ؟

م كنت قادرة اعاين ليهو ، دنقرتاا ، سمر و محمد واحمد دخلو طرف البيت ، وخلونا برانا ..

قالي عايني لي كدا.... عارفه مفتقد وشك حاسه انه كان قصادي مدة .. حاولت اقاطعو ، قالي انا عارف كل حاجة وعارف انتي عملتي شنو ، و انا جيت هنا عشان اقوليكي انا مسامحك ...

قلت ليهو كنت بدعي من ربنا اني اسمع الكلمة دي ، شكرااا لانك سامحتني ..و العبرة سادة حلقي ..

و رجعت لمتنا بعد كل اللي حصل ، و ما اظن الحصل ممكن زول فينا يتجاوزو ، او يمكن م قادرة اتجاوزو ...

المهم ، لاحظت ان سمر و طارق علاقتهم بقت ضعيفه و حتى الونسة في حدود ، م قدرت اسكت و في دوري كان لازم اريح ضميري للاخر ، و قعدت معاهم ، و عرفت ان في خلافات بينهم ما ليها علاقه بي ، و انهم كدا اصحاب مرتاحين ...

هنا انا ما كان في يدي اعمل حاجة ، غير ادعي ليهم ربنا يصلح حالهم ..

و ادعي لنفسي انه ربنا يسامحني ..

و بقيت على امل اني ح الآقي نصيبي الحلو ، اللي من حقي اعيش معاهو كل مراحل الحب اللي بتمناها زي ، زي اي بنت ..

وزي ما حبوبة قالت :

ان الله عدلا زول بعوجا مافي ❤

و في الختام

الخاطر الما بتقدر تجبرو ما تكسرو. 'والبديك عيونو ما تجازيهو بالعمى'والبمشي معاك في النور م زي البمشي معاك في الظلام 'وما تهلك نفسك في علاقه انتَ فيها اخر شي

'والشي البذلك ارميهو ورا ظهرك

وظهرك م تشيلوا اكتر من حملو

'والحمل الانت ماقدرو ما تتسلبط وتشيلوّ

❤

*تمت