Pasinaon 1

Teks Narasi

A. Maknane Teks Narasi

Teks narasi yaiku teks wacan kang nyritakake kedadeyan kanthi wektu utawa keda~ kang runtut saka wiwitan ngati pungkasan. Wong kang maca teks wacan iki kaya-kaya nglakoni kaya dena kedadeyan kang ana jroning crita.

B. Titikane utawa Ciri-ciri Teks Narasi

Titikane utawa ciri-ciri teks narasi yaiku:

1. Anane tumindak ing sajrone crita

2. Crita mau ditindakake ing sajroning wektu

C. Struktur Teks Narasi

Sruktur kang kudu ana ing teks narasi yaiku :

1. Paraga lan watake

Paraga yaiku kang ngalami kedadeyan.

Paraga diperangake dadi telu, yaiku:

a. Tokoh utama yaiku paraga kang dadi sumber crita

b. Tokoh pembantu yaiku paraga kang ana, nanging ora dadi pusat cerita.

c. Tokoh figuran yaiku paraga kang dianakake supaya, kahanane dadi kaya nyata, nanging paraga iki mung lewat saklebetan.

Miturut watake, paraga diperangake dadi telu yaiku:

a. TokohAntagonis yaiku paraga kang nduweni watak kang ala, saengga ora disenengi.

b. Tokoh Protagonis yaiku paraga kang nduweni watak kang apik lan disenengi.

c. Tokoh Tritagonis yaiku paraga kang bisa dadi kancane tokoh protagonis utawa antagonis, bisa duweni watak kang apik utawa ala (penengah).

d. Watak yaiku sifat utawa karakter sing di nduweni para paraga.

2. Latar

Latar utawa setting diperangake dadi telu, yaiku latar wektu, latar panggonan, lan latar swasana.

a. Latar wektu yaiku wektu kang digambarake nalika paraga-paraga ngalami kedadeyan-kedadeyan ing crita.

b. Latar panggonan yaiku panggonan kang digambarake ing crita.

c. Latar swasana

Latar swasana di perangake dadi loro yaiku :

- Swasana alam : kedadean ing sekitar paraga, tuladhane : udan gerimis , swara jangkri lagi ngerik (bengi)

- Swasana ati : apa bae kang dirasakake paraga, tuladha : murka, nesu, was was, seneng.

3. Alur.

Alur utawa plot yaiku urutan kedadeyan kang dilakoni paraga utama saka wiwitan nganti pungkasan crita.

D. Urut-urutan Nulis Teks Narasi.

Utur-urutane nulisteks narasi yaiku:

• Nemtokake tema karangan

• Nemtokake tujuan karangan

• Nglumpukake bahan-bahan karangan

• gawe cengkorongan kerangka karangan

• Ngembangake cengkorongan kerangka karangan

Tuladha teks narasi

Mangkat Sekolah

Zuma lan Syifa sekolahe rodo adoh kamangka anggone mangkat mung numpak sepeda onthel. Mulai jam 06.00 isuk Zuma lan Syifa wis rampung adus lan nganggo seragam sekolah kang wes di setlika mlithit. Senajan mangkono Zuma lan Syifa tetep semangat anggone sekolah. Bocah foro iku uga ora tau keri anggone sekolah amarga wis bisa ngira-ira lakune tekan sekolahan mbutuhake wektu pirang menit. Zuma banjur sarapan bareng karo bapak, ibut lan adhine sing jenenge Syita. Zuma ngajak salaman bapake. Astane bapake diaras sinambi matur "Pak, kula nyuwun pamit bidhal sekolah, kula nyuwun pangestune Semana uga marang ibune. Adhine Zuma yaiku Syifa uga melu-melu kaya mbakyune. Bapak lan ibune mbales nyalami Zuma lan Syifa sinambi ngelus sirahe bocah ioro iku lan ngomongi Ati-ati lan sinau sing sregep ing sekolah." Bocah loro banjur mangkat sekolah.Anggone ngepit alon-alon lan ngati-ati.

Wacanen teks narasi ing dhuwur kanthi patitis. Sawise ngerti isine wacan, sakiki semaken struktur saka teks narasi ing dhuwur.