Pam mae eich llais chi’n bwysig:

Gyda chefnogaeth Marie Curie, ein nod yw archwilio'r heriau o ran darparu gofal diwedd oes amserol i bobl ag anableddau dysgu, yn enwedig pan nad oes ganddynt ganser na dementia. Nid yw'r rhan fwyaf o bobl ag anableddau dysgu yn marw o’r ddau salwch yma. Hoffem glywed am eich profiadau yma fel y gallwn feithrin dealltwriaeth o'r heriau penodol sy'n eich wynebu a'r hyn a allai fod yn argymhellion defnyddiol a realistig ar gyfer ymarfer. Y ffordd orau i ni wneud hyn yw dysgu gennych chi.

Gall eich safbwyntiau chi helpu i ddylanwadu'n uniongyrchol ar ganllawiau cenedlaethol a hyfforddiant yn y dyfodol.

Rydym eisiau deall y canlynol: 

• Sut mae pobl yn sylweddoli y gallai rhywun fod yn agosáu at ddiwedd ei oes, dangosyddion diwedd oes.

• Pa offer, fframweithiau, neu ddulliau a ddefnyddir, ac i ba raddau y maent yn ddefnyddiol wrth eu cymhwyso i bobl ag anableddau dysgu.

• Beth yw'r heriau a wynebir yn y maes ymarfer hwn?

• Beth sydd wedi helpu neu fyddai'n helpu i wella ymarfer.

Pwy sy'n cael cymryd rhan:

Rydym yn croesawu cyfraniad y canlynol:

• Meddygon Teulu

• Gweithwyr iechyd anabledd dysgu proffesiynol

• Ymarferwyr gofal diwedd oes mewn lleoliadau arbenigol neu gymunedol

• Os nad ydych chi'n credu bod y categorïau hyn yn cwmpasu eich arbenigedd ond eich bod chi'n teimlo bod gennych chi gyfraniad i'w wneud, cysylltwch â ni. 

Sut gallwch chi helpu:

Ymunwch â'n grŵp ffocws ar-lein anghydamserol, wedi'i gymedroli (AOMFG) ac ymwneud ag eraill yn unol â’ch amserlen eich hun, mewn ffordd debyg i gyfrannu at fforwm proffesiynol preifat. Mae cymryd rhan yn hyn yn gyfrinachol ac yn ddienw

Mae hyn yn golygu:

• Dim cyfarfodydd byw nac amseroedd sefydlog

• Mewngofnodi ar amser sy'n gyfleus i chi

• Cymryd rhan mewn trafodaethau byr, myfyriol bob pythefnos

• Tua 15 munud yr wythnos ar y mwyaf, dros 2-3 mis

Bydd pawb sy'n cymryd rhan yn aros yn ddienw, yn ddiogel, ac wedi'u cymedroli. 

A fydd yr AOMFG yn cael ei wneud yn ddienw?

Bydd, bydd yr holl bostiadau rydych chi'n eu hysgrifennu yn cael eu gwneud gan ddefnyddio'r enw defnyddiwr rydyn ni'n ei roi i chi. Ni fydd unrhyw ddefnyddwyr eraill yn gallu ei olrhain yn ôl atoch chi. Dim ond y tîm ymchwil fydd yn gwybod eich bod chi'n rhan o'r grŵp.

Beth fyddwch chi’n ei wneud

• Ymateb i gwestiynau trafod fydd yn cael eu postio bob pythefnos.

• Darllen a gwnewch sylwadau ar bostiadau eraill pryd bynnag y dymunwch.

• Rhannu eich profiad ar gyflymder sy'n gweithio i chi.

• Hepgor unrhyw gwestiwn os oes angen.

• Byddwch yn cael tystysgrif DPP os hoffech chi.

Bydd cymorth technegol a chanllaw cynefino syml yn cael ei ddarparu.

Rhagor o wybodaeth:

Am ragor o wybodaeth am y grwpiau AOMFG a'r hyn fyddai hynny'n ei olygu, cliciwch YMA.