Píxel Sonoro

QUE É?

Pixel Sonoro é un espazo de creación e experimentación audiovisual no IES de Cacheiras, onde se recollen os traballos realizados co alumnado arredor da relación entre TIC e produción artística.

O proxecto explora as posibilidades expresivas da luz e do son a través de procesos abertos, combinando tecnoloxías antigas e obsoletas con ferramentas dixitais actuais. Os obxectos cotiáns, as sombras e o espazo cos que traballamos convértense en materia artística multimedia contemporánea.

Inspirámonos en propostas escénicas e colectivas que empregan a luz como elemento construtivo da escena e da imaxe, como Teatres de la Llum, United Visual Artists, TeamLab ou AntiVJ.

A metodoloxía baséase na experimentación, na proba e erro e na creación colectiva, entendendo o proceso artístico como un espazo de investigación, aprendizaxe e pensamento crítico.