Embedded Files
唔少人DSE失利，都會選擇Retake。
但決定是否Retake前，同學應該理性衡量升grade的機會。
「想升grade」唔係Retake的理由，「可以升grade」才是Retake的理由。
很多人決定repeat前都會過份天真，以為用一年時間升2-3個grade係好容易的事，可以慢慢hea到9月先開始溫書，但佢地根本唔知道升grade有幾難。
事實上唔少人花完一年的光陰，咁多科加埋只係升得1個grade，甚至完全無變。
所以如果你差一兩分就入到大學，你仲可以諗下retake，但如果差好多分先入到大學，機會係好微。
我根據2013年至2021年的數據整理了以下資料（以下只包括每年都有至少10名日校重考生的科目，如果你有興趣睇其他科目，例如BAFS、地理，可以聯絡我）：
數據有啲複雜，等我簡單解釋下：
喺2013年至2021年連續兩年應考中國語文科的考生當中：
只有41.27%的level 2考生能夠成功升grade。當中只有0.82%能夠升到level 5或以上。
只有31.15%的level 3考生能夠成功升grade。當中只有5.16%能夠升到level 5或以上。
只有18.58%的level 4考生能夠成功升grade。
如果你中文只得Level 2，正在幻想自己只要retake就能夠輕鬆升grade，不要忘記失敗的人數接近6成 (58.73%)。
喺2013年至2021年連續兩年應考英國語文科的考生當中：
只有28.64%的level 2考生能夠成功升grade。當中只有0.01%能夠升到level 5或以上。
只有21.63%的level 3考生能夠成功升grade。當中只有0.36%能夠升到level 5或以上。
只有18.02%的level 4考生能夠成功升grade。
如果你英文只得Level 2，正在幻想自己只要retake就能夠輕鬆升grade，不要忘記失敗的人數超過7成 (71.36%)。
數學科給不少同學的感覺都是「有得操」，因此對於底子弱的同學而言，數學必修部分升grade的比率的確較英文科高，但是亦不算容易。
大學不少學科都會對數學科有加乘，所以不少Level 4的同學都希望以數學作為「食糊科」，希望升至Level 5。
喺2013年至2021年連續兩年應考數學必修部分的考生當中：
有36.47%的level 2考生能夠成功升grade。當中只有0.15%能夠升到level 5或以上。
有40.80%的level 3考生能夠成功升grade。當中只有2.71%能夠升到level 5或以上。
有30.26%的level 4考生能夠成功升grade。
只有17.74%的level 5*考生能夠成功升grade。
數字上無語文科咁絕望，但係都唔算容易。
通識科是一門特別的科目，合格率高，而Level 5或以上的比率低。
因此歷年Level 1的重考生當中，有超過一半(53.21%)能夠成功升grade。
可是對於Level 4的重考生而言，只有15.78%可以獲得Level 5或以上。
對於Level 5或以上的重考生而言，跌grade率亦是極高。
喺2013年至2021年連續兩年應考經濟科的考生當中：
對於Level 3或以下的考生來說，升Grade機會升係唔低。
只有33.80%的level 4考生能夠成功升grade。當中只有10.43%能夠奪星。
只有6.64%的level 5考生能夠成功升到5**。
只有16.13%的5*考生能夠成功升到5**。
喺2013年至2021年連續兩年應考物理的考生當中：
各個級別的升Grade比率都唔算太低。
喺2013年至2021年連續兩年應考化學的考生當中：
各個級別的升Grade比率都唔算太低，不過只有少數人能夠升2個grade或以上。
喺2013年至2021年連續兩年應考生物的考生當中：
各個級別的升Grade比率都唔算太低，不過只有少數人能夠升2個grade或以上。
喺2013年至2021年連續兩年應考中國歷史的考生當中：
各個級別的升Grade比率都比較低。
喺2013年至2021年連續兩年應考歷史的考生當中：
各個級別的升Grade比率都比中國歷史為佳。
結論
結論
睇到依度，你可能會想講「數據係死嘅，人係生嘅。」
但係我想講，數據都係由一個個活生生的人堆砌而成，上面每一個成功或者失敗的數字背後，都有著一個個的故事。
你或者會認為自己今年只係一時失手，只要憑住堅強的意志、持久的努力，下一屆必定可以成功。
但係試問邊個選擇Retake的人一開始唔係咁諗？
曾經有不少考生向我尋求建議，他們都堅稱自己只是一時失手，以及自己來年會非常努力。這種說話我多半不會相信。我自己見過太多考生一開始聲稱自己會努力，最後還是變得懶散。所謂的失手，大部分都只是源於對自我實力的評價過高。
坦白講，大家只是在網絡上萍水相逢，大家三唔識七，我對你的意志、能力完全沒有任何的了解。客觀數據告訴我英文Level 1升至Level 3或以上的比率只有0.58%。假如你英文只有Level 1，我針對你的個案給予建議時，都只會假設你英文升兩個grade的比率只有0.58%。我完全沒有原因去假設你跟其他人不相同。
如果你認為而家依個grade唔反映自己的能力，自己絕對deserve better grades，你就要客觀地審視自己失敗的原因，並客觀地根據自己的能力、意志去評估升grade的可能性。
記住「想升Grade」唔係Retake的理由，「可以升Grade」才是Retake的理由。
我打依篇文章唔係想打沉你，只係想你認識到：
其他人對你的能力、意志並不了解。只有你才最了解自己。到底你只係值依個grade還是deserve better grades，只有你自己才知道。我可能會低估了你，你父母可能會高估了你，你需要撇開自己主觀的願望，客觀地審視自己。「想升grade」唔等於「可以升grade」，願望唔會幫到你升grade，只有努力可以。
假如數據顯示升Grade的比率只有0.58%，你要做到就要比99.42%的人更努力、更有策略、更堅毅。當你留在家中煲劇玩手機game上連登的時候，你夠膽講自己比99.42%的同學更勤力嗎？你要將數據上渺茫的機會化成現實，將「想升grade」化為「可以升grade」，就一定要付出、付出、再付出。
註：數據是經我人手輸入後由電腦計算。雖然我已再三覆核，但仍難保有錯漏。如上述數據有任何錯漏，煩請告知。
Google Sites
Report abuse