Para dar a coñecer os oficios dos/as redeiros/as, despois de explicar brevemente o seu traballo con apoio fotográfico, poderán indagar cunha nasa, achegándose mentres explicamos o seu funcionamento. Deseguido, procederemos a explicar que hai outro tipo de redes, como as de arrastre, as cales precisan un arranxo porque teñen buratos. Deste xeito, os nenos e nenas deberán coller un anaco de rede e un anaco de lá (previamente cortados os dous materiais) para intentar pasar a lá polos buratos das redes e, desta maneira, conseguir unha rede grande.

Para finalizar as actividades propostas, como exemplo de volta á calma propoñemos, logo da explicación do oficio do/a fareiro/a, nun túnel, unha de nós meterase no seu interior cunha luz ultravioleta simulando o faro. Con isto, temos que ir esquivando a luz, ben sexa saltando ou agachando, ata quedar completamente deitados/as mirando como xira a luz do faro.

En primeiro lugar realizaremos colectivamente un xogo de persecución no que denominaremos a 4 pescadores (dependendo do número de cativos na aula), estes terán que intentar “pescar” ao resto de compañeiros. O neno/a que pille levará na man un pañuelo que o diferencie, cando pille, pasarálle o pañuelo ao compañeiro/a e este pasará a ser o pescador/a.