2019 ජනාධිපති මැතිවරනයේ පසු විපරම
දුර්වල පරිපාලනය, අක්රමවත් බෙහෙත් පොහොර යෙදීම හා අදූරදර්ශී අත්හදා බැලීම් හේතුවෙන් කනාටු වෙච්ච පොල් වත්තකින් කඩන පොල් වලින් හොඳ පොල් තියෙන්නෙ 3% ක් තමයි . 52% ක් පුහු 41% ක් කලටි ඉතිරි 4% කුරුම්බා. ඉතිං මේ සංසිද්ධියම පහුගිය ජනාධිපතිවරණයටත් අදාළයි.
අවුරුදු 71 ක දුර්වල ධනවාදී පාලනය,නොගැලපෙන ආර්ථික ප්රතිපත්ති හා අදූරදර්ශී අධ්යාපන අත්හදා බැලීම් හේතුවෙන් පරිහානියට පත් මිනිසුන්ගෙන් නිවැරදි තීරණ ගන්න අය සිටින්නේ 3% ක් තමයි. ඉතිං ජවිපෙ ඇතුළු ජාතික ජනබලවේගය වෙත ඡන්දය ලබා දුන්නෙ ඒ බුද්ධිමත් පිරිස තමයි. නමුත් පීඩාවට පත් වෙලා ඉන්න මිනිසුන්ට මේ අවුරුදු 71 ක දුර්වල ධනවාදී පාලනය,නොගැලපෙන ආර්ථික ප්රතිපත්ති හා අදූරදර්ශී අධ්යාපන අත්හදා බැලීම් වැරදියි කියල හිතනව නම් ඔවුන්ට මේ 3% ප්රතිශතය ඉහල නංවන්න පුළුවන්.
ඒත් ඔවුන් කැමති මේ ක්රමයටම නම් මේ ප්රතිශතය තවත් අඩුවෙයි. හැබැයි ඉතිං එහෙම වුනා කියල,මිනිසුන් පීඩාවට පත්වීමවත්, රට පරිහානියට යාමවත් නම් නවතින්නෙ නෑ.
ඒත් එකක් හරියටම කියන්න පුළුවන්. ජවිපෙ ඇතුළු ජාතික ජනබලවේගය ඡන්දෙ ඉල්ලන්නෙ ඔවුනගේ උවමනා එපාකම් පිරිමහ ගන්න නොවෙන නිසා ඔවුන්ට කියා විශේෂයෙන් දුක් වෙන්න දෙයක් නෑ. මොකද ඔක්කොම ඉන්නෙ එකම හිල් වෙච්ච බෝට්ටුවක. වෙනසකට තියෙන්නෙ ජවිපෙ ඇතුළු ජාතික ජනබලවේගය උත්සහ කරනව මේ සිදුර වහන්න. ඒත් ඒක ජවිපෙ ඇතුළු ජාතික ජනබලවේගයට තනියෙන් කරන්න බෑ. ඒකයි ඔවුන් ඔබේ සහය ඉල්ලන්නෙ.
