Музички квиз за народните инструменти
Кратка игра за запознавање со македонските народни инструменти.
Идејата на играта е да опфати дел од наставната програма по музичко образование и на интересен аудио и визуелен начин да ги запознае учениците со македонските народни инструменти.
Тимот играта ја нарече „Весели ноти“, а Нотко е оној кој ги води дечињата низ самата игра. Нотко ќе им овозможи на децата со помош на новите технологии да истражат и да се запознаат со македонските народни инструменти.
Целта на играта е децата да ги научат нашите традиционални елементи и препознаваат музички инстурменти, да го изострат слухот за соодветниот звук и да добијат основно чувство за ритам.
Играта е од типот на квиз, со едноставен и интуитивен изглед, го држи играчот во постојана интеракција и преку континуиран фидбек го стимулира детето да не се откажува, сето тоа проследено со пријатни звучни ефекти.
Апликацијата "Народни инструменти" е креирана преку несебичната поддршка и заложба на тимот "Омега" кој се состои од:
Марија Биковска - ментор ООУ „Ѓорѓија Пулевски“
Мила Јовановиќ, Зора Симоноска - 2Д артист
Сара Конин - графички дизајнер
Лина Господинова - уметник
Александар Тримчевски - програмер nabukva.mk
Играта е реализирана во склоп на проектот #Inno4Edu кој е финансиран од Владата на Обединетото Кралство преку Британската амбасада во Скопје, со поддршка на Министерството за труд и социјална политика, Министерството за образование и наука, Бирото за развој на образование и УНИЦЕФ, а имплементиран од страна на СмартАп - Лабораторија за социјални иновации .