Læsi

Stafrænt læsi er sú kunnátta sem fólk þarf til þess að geta notað tölvu- og nettækni til samskipta og efnissköpunar. Þá er snýst um orð jafnt sem ljósmyndir, prentað mál jafnt sem tónlist, og það varðar allt litróf efnisumsýslunnar, þ.e. aðföng, úrvinnslu og miðlun. Það er mikilvægt fyrir nemendur að öðlast skilning og færni í læsi. Í gegnum þessa kennsluáætlun er lögð áhersla á að börn öðlist færni í tæknilæsi og geti nýtt sér hana í bæði leik og starfi.

Heilbrigði og velferð

Helstu þættir heilbrigði eru meðal annars hreyfing, næring og hvíld, ásamt hreinlæti, góðum samskiptum og skilningur á eigin tilfinningum og annarra. Börn þurfa rútínu, hreyfingu, næringu og hvíld til þess að ná sem bestum árangri yfir skóladaginn. Áhersla okkar í þessari kennslustund er einnig að börn komi fram við náungann af virðingu og sanngirni. Á þessum fordæmalausum tímum sem við gögnum í gegnum í heimsfaraldri höfum við lært margt um hreinlæti. Það er því einnig mikilvægt að börn læri að ganga vel um kennslu búnaðinn og þrífi hann eftir notkun svo hann sé tilbúin fyrir næstu nemendur að ganga að.

Lýðræði og mannréttindi

Mikilvægt er að í öllu námi, viðfangsefnum skólastarfsins og aðferðum sé tekið tillit til áhuga nemenda og ábyrgðar þeirra á eigin námi. Í kennslustundum er skiljanlegt að námsefnið nái ekki til allra í nemendahópnum, en það er alltaf hægt að finna eitthvað við hæfi hvers og eins. Osmo kennsluefnið býður upp á marga möguleika og ætti því hver og einn nemandi að finna eitthvað við sitt hæfi. Nemendur sem eru kannski ekki líklegir til þess að vinna saman í verkefnavinnu, eiga meiri kost á að kynnast fleirum á svipuðu áhugasviði og þá kannski utan vinahópsins.

Jafnrétti

Markmið jafnréttismenntunar er að skapa tækifæri fyrir alla til að þroskast á eigin forsendum, rækta hæfileika sína og lifa ábyrgu lífi í frjálsu samfélagi í anda skilnings, friðar, umburðarlyndis, víðsýnis og jafnréttis. Í skólastarfi skulu allir taka virkan þátt í að skapa samfélag jafnréttis og réttlætis. Jafnréttismenntun felur í sér gagnrýna skoðun á viðteknum hugmyndum í samfélaginu og stofnunum þess í því augnamiði að kenna börnum og ungmennum að greina þær aðstæður sem leiða til mismununar sumra og forréttinda annarra. Okkar markmið er að börn fái að njóta sín sjálf í kennslustundinni, læri að bera ábyrgð á eigin verkefni og vinna úr því sjálf. Kennarar eru þó alltaf til staðar en markmiðið er að börnin nái að skapa umræður sín á milli, sýna náunganum skilning og vera hreinskilin við félaga sína. Mikilvægt er að bera virðingu fyrir kennslu umhverfinu, halda vinnufrið og sýna samnemendum okkar virðingu.

Sköpun

Nám á sér stað þegar einstaklingur vinnur með áreiti, tengir það við fyrri þekkingu og reynslu og skapar nýja. Þannig er menntun í rauninni sjálfssköpun, leið upplýsts einstaklings til að verða ,,meira í dag en í gær“. Í upplýsinga- og tæknimennt er unnið með upplýsinga- og miðlalæsi, sem þverfaglegt námssvið. Unnin eru raunhæf verkefni sem samþættast sem flestum námsgreinum og námssviðum. Áhersla er lögð á að kynna nemendum tækni og aðferðir við öflun, úrvinnslu, sköpun og miðlun upplýsinga í tengslum við annað nám. Í Osmo kennslustund eru nemendur í sköpunarferli, þau þurfa að afla sér upplýsinga um notkun efnisins og vinna úr verkefnum því tengdu. Börnin þurfa að leysa verkefni til að komast í næsta áfanga og halda þannig áfram.

Sjálfbærni

Að nýta spjaldtölvur í kennslu sparar okkur pappír, á Íslandi er rafmagn fengið með mjög umhverfisvænum leiðum og það mengar því ekki að hlaða tækin. Einnig duga tækin í langan tíma ef vel er farið með þau og þau geta komið í stað framleiðslu á lestrarbókum, teikniblokkum, einnota verkefna og svo má lengi telja.