Námsumhverfi

Námsumhverfið skiptir miklu máli fyrir nám og það er gríðarlega mikilvægt að nemendum líði vel í skólanum. Viðfangsefnið má vinna í sameiginlegri kennslustofu, á gólfinu, við borð, eða sem heimavinna. Mikilvægt er að kennsluumhverfið sé snyrtilegt þar sem slíkt umhverfi örvar áhuga nemenda. Börnin sitja fjögur og fjögur saman, með þessari uppröðun geta börnin unnið ein og sér, unnið saman eða hjálpast að ef einhver lendir í vandræðum og er þá minna álag á kennara.

Öll börn eiga að vera með iPad spjaldtölvu, Osmo base, bókstafi frá Osmo og kost á heyrnatólum ef þau velja það. Við veljum að nota iPad frá Apple þar sem þær spjaldtölvur eru algengasta stýrikerfið í skólum eða um það bil 75% skólamarkaðsins. Spjaldtölvur eru mjög gagnleg verkfæri til að efla tæknilæsi þar sem hún er einföld, aðgengileg og hægt er að afla gagna, lesa, skrifa, teikna, taka myndir, búa til kvikmyndir og miðla upplýsingum, allt með sama tækinu. Mikilvægt er að þeir nemendur sem kjósi hafi aðgang að heyrnatólum þegar verkefnið er unnið þar sem sterkar vísbendingar eru um fylgni á milli hávaða og námsframvindu barna.