Помнікі землякам
Вёска Горкі
Размешчаны на паўночнай ускраіне, каля шашы Бабруйск — Слуцк. На ўшанаванне памяці 220 землякоў, якія загінулі ў гады Вялікай Айчыннай вайны, у 1967 г. насыпаны курган, на вяршыні яго ўстаноўленая скульптурная кампазіцыя: воін, партызан і мірны жыхар-жанчына. Перад курганам — 4 жалезабетонныя стэлы з прозвішчамі загінулых і надпісамі - прысвячэннямі.
Вёска Залужжа
На ўшанаванне памяці 180 землякоў, якія загінулі ў гады Вялікай Айчыннай вайны, у 1967 г. устаноўлены помнік — скульптура воіна з хлопчыкам і сцяна з імёнамі загінулых.
Вёска Палажэвічы
Помнік землякам, савецкім воінам і партызанам, мірным жыхарам — ахвярам фашызму. На ўшанаванне памяці землякоў, воінаў і партызан, пахаваных на тэрыторыі калгаса і загінулых на фронце ўстаноўлены ў цэнтры ў 1984 г.— скульптура воіна і мемарыяльныя пліты з імёнамі загінулых, перад помнікам установлены рытуальны агонь.
Вёска Падарэссе
На ўшанаванне памяці 161 земляка, якія загінулі ў гады Вялікай Айчыннай вайны, у 1969 г. устаноўлены помнік - скульптура воіна і сцяна з імёнамі загінулых. Рэканструяваны ў 1989 г.
Вёска Паставічы
На ўшанаванне памяці землякоў і пахаваных на тэрыторыі калгаса воінаў і партызан (121 чалавек), якія загінулі ў гады Вялікай Айчыннай вайны. у 1989 г. устаноўлены помнік-скулыптура са стэламі, дзе ў метале выліты прозвішчы загінулых.
Вёска Сінягова
На заходняй ускраіне. На ўшанаванне 157 воінаў 121-й стралковай дывізіі і 142 землякоў, якія загінулі на франтах Вялікай Айчыннай вайны, у партызанскай барацьбе і мірных грамадзян, закатаваных нямецка-фашысцкімі захопнікамі, устаноўлены помнік.
У цэнтры кампазіцыі на земляным кургане на высокім пастаменце ўстаноўлены скульптуры воіна, партызана і жанчыны (вышыня скульптурнай кампазіпыі 3.5 м. пастамента — 2 м). фігуры павернугыя спінамі адна да адной і нібы вырастаюць з адзінага маналіту Рашучыя жэсты злучаных рук і суровыя выразы твараў адпа- вядаюць дынаміпы кампазіцыі. Вакол кургана пляцоўка. пры рэканструкцыі вымашчаная дарожка (біты мармур), блокі заменены на металічныя дошкі, на якіх у метале вылітыя прозвішчы загінулых.