關於我

我最近喺萊頓大學取得博士學位，現居荷蘭，擔任萊頓大學歷史研究所（非洲研究）博士後研究員。我現時嘅工作包括網絡分析、圖像處理等等。

我嘅母語係粵語(廣東話)，而我其中一個研究領域都係粵語。我對於方言學非常有興趣，特別係口音喺地理上嘅分佈同變異。我嘅研究方法就係利用地圖去展示唔同發音嘅分佈，然後再作分析。

我之前喺我嘅學士同碩士論文中分別探討過越南北部山由語嘅由來同利用方言資料去重構古代方言分佈同演變。我將會喺未來呢幾年研究粵語方言嘅分區及語音變異。

我嘅博士論文利用機械學習同方言測量學嘅方法去探討唔同嘅問題，例如探討聲調嘅地理變異同點樣自動提取方言特徵等等。嚟啲方法會用到Python編程同QGIS地理信息系統。